ឯកឧត្តម ជ្រាយ ប៉ុម អញ្ជើញជាអធិបតីក្នុងកិច្ចប្រជុំ ស្តីពីការរៀបចំផែនការ ដើម្បីរៀបចំផែនការយុទ្ធសាស្រ្តជាតិ និងផែនការសកម្មភាពជាតិ ស្តីពីការផ្គត់ផ្គង់ទឹក និងលើកកម្ពស់អនាម័យជនបទ

រាជធានីភ្នំពេញ ៖ នាថ្ងៃចន្ទ ១៥កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែមករា ឆ្នាំ ២០២៥ ឯកឧត្តម ជ្រាយ ប៉ុម អគ្គនាយកបច្ចេកទេស បានអញ្ជើញជាអធិបតីក្នុងកិច្ចប្រជុំ ស្តីពីការរៀបចំផែនការ ដើម្បីរៀបចំផែនការយុទ្ធសាស្រ្តជាតិ និងផែនការសកម្មភាពជាតិ ស្តីពីការផ្គត់ផ្គង់ទឹក និងលើកកម្ពស់អនាម័យជនបទ (NSP and NAP-WASH) រៀបចំដោយអង្គភាពគ្រប់គ្រងកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព ដោយមានការអញ្ជើញចូលរួមពីអង្គភាពសម្របសម្រួលកម្មវិធី ក្រុមការងារ ADB លោកស្រី  Siti Hassanah ជាប្រធានទីប្រឹក្សាបច្ចេកទេសជាតិ និងអន្តរជាតិ៕