មន្រ្តីគម្រោង “ការកសាងភូមិសន្តិភាព តាមរយះការអភិវឌ្ឍសហគមន៍ជនបទចម្រុះ” បានចូលរួមកិច្ចប្រជុំ ជាមួយអាជ្ញាធរ និងប្រជាពលរដ្ឋ ក្នុងភូមិថ្មី ស្ថិតក្នុង ឃុំស្វាយចេក ស្រុកស្វាយចេក ខេត្តបន្ទាយមានជ័យ

ខេត្តបន្ទាយមានជ័យ៖ នាថ្ងៃព្រហស្បតិ៍ ៧រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែតុលា ឆ្នាំ ២០២៤ លោក ម៉ៅ ពិសេដ្ឋ អនុប្រធានការិយាល័យអភិវឌ្ឍន៍សហគមន៍ និងជាមន្រ្តីសម្របសម្រួលថ្នាក់ខេត្តនៃគម្រោង “ការកសាងភូមិសន្តិភាព តាមរយះការអភិវឌ្ឍសហគមន៍ជនបទចម្រុះ” បានដឹកនាំមន្រ្តីការិយាល័យផ្គត់ផ្គង់ទឹកស្អាត ជាមួយមន្រ្តីសម្របសម្រួលគម្រោងថ្នាក់ស្រុក ថ្នាក់ឃុំ និងមន្រ្តីគម្រោងភូមិសន្តិភាព ចូលរួមកិច្ចប្រជុំ ជាមួយអាជ្ញាធរ និងប្រជាពលរដ្ឋ ក្នុងភូមិថ្មី ស្ថិតក្នុង ឃុំស្វាយចេក ស្រុកស្វាយចេក ខេត្តបន្ទាយមានជ័យ ដើម្បីធ្វើការបោះឆ្នោតផ្តល់ទំនុកចិត្តជ្រើសរើសគណៈកម្មការគ្រប់គ្រងស្ថានីយផលិតទឹកផឹក (ទឹកប៊ីដុង ២០លីត្រ) ។

ជាលទ្ធផលសម្រេចបាន គឺមានការបោះឆ្នោតជ្រើសរើស គណៈកម្មការគ្រប់គ្រងស្ថានីយផលិតទឹកផឹក (ទឹកប៊ីដុង ២០លីត្រ) ដែលមានសមាសភាពឈរឈ្មោះចំនួន ៩នាក់ ស្រី ៥នាក់ គណៈកម្មការជាប់ឆ្នោតមានចំនួន ៥នាក់ ស្រី ៣នាក់ ជាអ្នករស់នៅភូមិថ្មី ឃុំស្វាយចេក ស្រុកស្វាយចេក ខេត្តបន្ទាយមានជ័យ។