រាជធានីភ្នំពេញ៖ នៅថ្ងៃព្រហស្បតិ៍ ៩រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ២៦ ខែកញ្ញា ឆ្នាំ២០២៤ លោកជំទាវ ឡាយ វិរៈបុត្រ អនុរដ្ឋលេខាធិការក្រសួងអភិវឌ្ឍន៍ជនបទ បានអញ្ជើញចូលរួមក្នុងពិធីផ្សព្វផ្សាយ និងដាក់ឲ្យប្រើប្រាស់ជាផ្លូវការនូវសៀវភៅ និងសម្ភារៈឧបទេ្ទស សម្រាប់បណ្តុះបណ្តាល ស្តីពីសុវត្តិភាពកុមារតាមប្រព័ន្ធអនឡាញ ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា នៅសណ្ឋាគារភ្នំពេញ ដោយមានការអញ្ជើញចូលរួមពីសំណាក ឯកឧត្តម លោកជំទាវ លោក លោកស្រី អញ្ជើញពីក្រសួង ស្ថាប័ន មន្ទីរទាំង ២៥ រាជធានី-ខេត្ត នាយិកាប្រចាំប្រទេសអង្គការឆាលហ្វាន អង្គការអន្តរជាតិ ជាតិ និងកុមារ ដែលមានចំនួនសរុប ១៦៦នាក់ ។
សៀវភៅ និងសម្ភារៈឧបទ្ទេស សម្រាប់បណ្តុះបណ្តាល មានចំនួន៤ រួមមាន៖
១. សម្រាប់គ្រូបង្គោល
២.សម្រាប់សេវាសង្គម
៣. សម្រាប់កុមារវ័យជំទង់
៤. សម្រាប់ឪពុកម្តាយ អាណាព្យាបាល និងអ្នកថែទាំ។
