ស្វែងរក

ឯកឧត្តម អុិន ចន្ថា រដ្ឋលេខាធិការក្រសួងអភិវឌ្ឍន៍ជនបទ បានអញ្ជើញជួបពិក្សាការងារជាមួយឯកឧត្តម REN Xianguang អគ្គនាយក នៃអគ្គនាយកដ្ឋានអភិវឌ្ឍន៍រួម របស់គណកម្មការជាតិទទួលបន្ទុកកិច្ចការជនជាតិដើមភាគតិច នៃសាធារណរដ្ឋប្រជាមានិតចិន។

ចែលរំលែក

រាជធានីភ្នំពេញ÷នាព្រឹកថ្ងៃសុក្រ ៤កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែកញ្ញា ឆ្នាំ២០២៤ ឯកឧត្តម អុិន ចន្ថា រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអនុញ្ញាតឲ្យ ឯកឧត្តម REN Xianguang អគ្គនាយក នៃអគ្គនាយកដ្ឋានអភិវឌ្ឍន៍រួម របស់គណកម្មការជាតិទទួលបន្ទុកកិច្ចការជនជាតិដើមភាគតិច នៃសាធារណរដ្ឋប្រជាមានិតចិន និងសហការីចូលជួបសម្តែងការគួរសម និងពិភាក្សាការងារ។

 

កិច្ចជំនួបនេះធ្វើឡើងក្នុងគោលបំណងបង្កើនចំណងកិច្ចសហប្រតិបត្តិការ និងផ្លាស់ប្តូរបទពិសោធន៍ វាងប្រទេសទាំងពីរ។

ឯកឧត្តមរដ្ឋលេខាធិការបានលើកឡើងថារាជរដ្ឋាភិបាលកម្ពុជា នីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ និងបុិនប្រសប់របស់សម្តេចមហាបវរធិបតី ហ៊ុន​ ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនៅយុទ្ធសាស្ត្របញ្ចកោណដំណាក់កាលទី១ ដែលមានបាវចនាចំនួន ៥គឺ៖ កំណើន ការងារ សមធម៌ ប្រសិទ្ធភាព និងចីរភាព និងមានគន្លឹះអាទិភាពចំនួន ៥ទៀតរួមមាន៖ មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល សំដៅសម្រេចឲ្យបានចក្ខុវិស័យកម្ពុជាឆ្នាំ២០៥០ ជាប្រទេសដែលមានប្រាក់ចំណូលកម្រិតខ្ពស់។ ជាមួយគ្នានេះ ក្រសួងអភិវឌ្ឍន៍ជនបទ ក្នុងនាមជាសេនាធិការមួយដ៏សំខាន់ និងបានកំពុងរួមចំណែកយ៉ាងសកម្មក្នុងការអនុវត្តគោលដៅយុទ្ធសាស្ត្ររបស់រាជរដ្ឋាភិបាលផងដែរនោះ ក្រសួងបានកំណត់យកចក្ខុវិស័យ ៥ឆ្នាំរបស់ខ្លួន (២០២៤-២០២៨) គឺ “ការកសាងតំបន់ជនបទកម្ពុជាប្រកបដោយវិបុលភាព បរិយាបន្ន នវានុវត្តន៍ ឌីជីថល និងភាពធន់ ទាំងផ្នែកសេដ្ឋកិច្ច សង្គមកិច្ច និងវប្បធម៌” ដើម្បីធានាបាននូវប្រាក់ចំណូលក្នុងគ្រួសារប្រកបដោយចីរភាព និងមានសុខុមាលភាពកាន់តែល្អប្រសើរឡើង តាមរយៈការដាក់ចេញនូវយុទ្ធសាស្ត្រចំនួន ៥រួមមាន៖ (ទី១) ការអភិវឌ្ឍហេដ្ឋារចនាសម្ព័ន្ធរូបវន្ត និងគមនាគមន៍, (ទី២) ការលើកកម្ពស់សុខភាព​ អនាម័យ និងបរិស្ថានរស់នៅរបស់សហគមន៍ជនបទប្រកបដោយនិរន្តរភាព, (ទី៣) ការអភិវឌ្ឍន៍ជនបទ ឌីជីថល និងចលនាភូមិគំរូ, (ទី៤) ការធ្វើពិពិធកម្មជនបទ និងនវានុវត្តន៍ការងារ និង(ទី៥) ពង្រឹងស្ថាប័នតាមរយៈការរៀបចំគោលនយោបាយ ហិរញ្ញវត្ថុយត ឌីជីថល និងសហប្រតិបត្តិការ។ ឯកឧត្តមរដ្ឋលេខាធិការបានបន្តលើកឡើងអំពីតួនាទីរបស់ក្រសួងក្នុងការអភិវឌ្ឍន៍ និងអភិរក្សជនជាតិដើមភាគតិចនៅកម្ពុជាផងដែរ។

 

ជាចុងបញ្ជប់ ឯកឧត្តម REN Xianguang បានថ្លែងអំណគុណចំពោះឯកឧត្តមរដ្ឋលេខាធិការ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រសួងអភិវឌ្ឍន៍ជនបទ និងសន្យាពង្រឹងកិច្ចសហប្រតិបត្តិការឲ្យកាន់តែរឹមមាំបន្ថែមទៀត។

ព្រឹត្តិការណ៍និងព័ត៌មានថ្មីៗ

ឯកឧត្ដម ជួប សំអាត អញ្ជើញចូលរួមក្នុងកិច្ចប្ររជុំអន្តរក្រសួង ដើម្បីពិនិត្យរួមគ្នាលើសេចក្ដីព្រាង សេចក្ដីព្រាងដែលមានភាពមិនប្រាកដប្រជាខ្ពស់ឆ្នាំ២០២៤-២០២៨

៦ ម៉ោងមុន ថ្ងៃទី២២ ខែវិច្ឆិកា ២០២៤

ឯកឧត្តមបណ្ឌិត នួន ដាញ៉ិល អញ្ជើញដឹកនាំគណៈកម្មការអន្តរក្រសួង ចុះត្រួតពិនិត្យ វាយតម្លៃលើការងារស្ថាបនាផ្លូវក្រាលដីល្បាយក្រួសចំនួន ១ខ្សែ ប្រវែង ១២ ០០០ម៉ែត្រ នៅស្រុកកែវសីមា ខេត្តមណ្ឌលគិរី

៨ ម៉ោងមុន ថ្ងៃទី២២ ខែវិច្ឆិកា ២០២៤

ឯកឧត្តម គុយ ឆាយ អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារបន្ដ ឆ្នាំ២០២៥ របស់មន្ទីរអភិវឌ្ឍន៍ជនបទខេត្តស្វាយរៀង

១០ ម៉ោងមុន ថ្ងៃទី២២ ខែវិច្ឆិកា ២០២៤

ឯកសារនិងរបាយការណ៍ថ្មីៗ