ឯកឧត្ដម ឆាយ ប្ញទ្ធិសែន អញ្ជើញជាកិត្តិយសក្នុងពិធីប្រគល់វិញ្ញាបនបត្រដល់អតីតសិស្សមេធាវី និងសិក្ខាកាមនៃវគ្គសុក្រឹតការវិជ្ជាជីវៈមេធាវីរបស់គណៈមេធាវីនៃព្រះរាជាណាចក្រកម្ពុជា

រាជធានីភ្នំពេញ ៖ នាព្រឹកថៃ្ងព្រហស្បតិ៍ ៣កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៥ ខែកញ្ញា ឆ្នាំ២០២៤ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញ

ជាកិត្តិយសក្នុងពិធីប្រគល់វិញ្ញាបនបត្រដល់អតីតសិស្សមេធាវី និងសិក្ខាកាមនៃ

វគ្គសុក្រឹតការវិជ្ជាជីវៈមេធាវីរបស់គណៈមេធាវីនៃព្រះរាជាណាចក្រកម្ពុជាសរុប ១,៦៦០រូប ក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្តីនៃព្រះរាជាណាចក្រកម្ពុជា និងលោកជំទាវបណ្ឌិត នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ (អគារ B C) ខណ្ឌជ្រោយចង្វារ រាជធានីភ្នំពេញ ។

សូមបញ្ជាក់ផងដែរថា សិស្ស និងសិក្ខាកាមដែលទទួលវិញ្ញាបនបត្រនេះ រួមមានសិស្សមេធាវីជំនាន់ទី១៥ ដល់ជំនាន់ទី១៩ និងសិក្ខាសុក្រឹតការវិជ្ជាជីវៈមេធាវីវគ្គទី៣ ដល់វគ្គទី១៦៕