![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 11 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្ដម ផូ ផារិទ្ធ អញ្ជើញជាអធិបតី ក្នុងកិច្ចប្រជុំត្រួតពិនិត្យលទ្ធផលការងារប្រចាំខែសីហា និងលើកទិសដៅការងារខែកញ្ញា ឆ្នាំ២០២៤ របស់កម្មវិធីទី៤
- ថ្ងៃទី២១ ខែសីហា ឆ្នាំ២០២៤ ម៉ោង ៤:០០ ល្ងាច
- សកម្មភាពក្រសួង
![ឯកឧត្ដម ផូ ផារិទ្ធ អញ្ជើញជាអធិបតី ក្នុងកិច្ចប្រជុំត្រួតពិនិត្យលទ្ធផលការងារប្រចាំខែសីហា និងលើកទិសដៅការងារខែកញ្ញា ឆ្នាំ២០២៤ របស់កម្មវិធីទី៤ 2 photo 2024 08 20 17 14 38 5](https://www.mrd.gov.kh/wp-content/uploads/2024/08/photo_2024-08-20_17-14-38-5-1000x750.jpg)
រាជធានីភ្នំពេញ៖ នារសៀលថ្ងៃអង្គារ ១រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែសីហា ឆ្នាំ២០២៤ នៅទីស្ដីការក្រសួង នាយកដ្ឋានផែនការ និងទំនាក់ទំនងសាធារណៈ បានរៀបចំកិច្ចប្រជុំត្រួតពិនិត្យលទ្ធផលការងារប្រចាំខែសីហា និងលើកទិសដៅការងារខែកញ្ញា ឆ្នាំ២០២៤ របស់កម្មវិធីទី៤ ក្រោមអធិបតីភាព ឯកឧត្ដម ផូ ផារិទ្ធ រដ្ឋលេខាធិការ និងជាប្រធានសម្របសម្រួលកម្មវិធីទី៤ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ។
កិច្ចប្រជុំនេះ មានការអញ្ជើញចូលរួមពីសំណាក់ ឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ អគ្គាធិការស្ដីទី ឯកឧត្តម អគ្គនាយករដ្ឋបាល និងហិរញ្ញវត្ថុ ឯកឧត្ដម លោក លោកស្រីទីប្រឹក្សាអមក្រសួង ប្រធាននាយកដ្ឋាន អនុប្រធាននាយកដ្ឋាន និងលោក លោកស្រី ជាមន្ត្រីជំនាញពាក់ព័ន្ធ ចំនួន ៣៣រូប ស្រី៧រូប។
កិច្ចប្រជុំនេះមានគោលបំណង ដើម្បីត្រួតពិនិត្យនូវរបាយការណ៍វឌ្ឍនភាពប្រចាំខែសីហា ដែលបានអនុវត្តកន្លងមក និងត្រៀមអនុវត្តក្នុងខែកញ្ញា បន្តទៀត ព្រមទាំងលើកយកបញ្ហាផ្សេងៗ មកពិភាក្សាដើម្បីស្វែងរកដំណោះស្រាយ។
ជាកិច្ចចាប់ផ្ដើម ឯកឧត្តមរដ្ឋលេខាធិការ បានមានមតិស្វាគមន៍នៃកិច្ចប្រជុំ និងបានអនុញ្ញាតឱ្យលោកស្រីប្រធានការិយាល័យរដ្ឋបាល និងកិច្ចការទូទៅ នៃនាយកដ្ឋានផែនការ និងទំនាក់ទំនងសាធារណៈ ធ្វើសេចក្ដីរាយការណ៍ពីលទ្ធផលដែលបានអនុវត្តនៅខែសីហា ឆ្នាំ២០២៤ បន្ទាប់ពីបញ្ចប់សេចក្ដីរាយការណ៍ ឯកឧត្តមរដ្ឋលេខាធិការបានវាយតម្លៃខ្ពស់ និងកោតសរសើរទៅលើការខិតខំប្រឹងប្រែងរបស់នាយកដ្ឋានជំនាញទាំងបួនដែលស្ថិតនៅក្នុងកម្មវិធីទី ៤ ។
ជាទីបញ្ចប់ ឯកឧត្តមប្រធាន អង្គប្រជុំបានផ្ដល់ជាអនុសាសន៍ណែនាំឱ្យនាយកដ្ឋានជំនាញទាំង៤ បន្តខិតខំអនុវត្តការងារក៏ដូចជាសកម្មភាពរបស់ខ្លួនឲ្យសម្រេចបាន ១០០% ទៅតាមផែនការដែលបានគ្រោងទុក៕