![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 15 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្ដមបណ្ឌិត ចាន់ ដារ៉ុង អញ្ជើញចូលរួមកិច្ចប្រជុំដើម្បីពិនិត្យវឌ្ឍនភាពគម្រោងរួមគ្នាលើកទី៥ ជាមួយលោកស្រី Minnie Chey នាយិការបស់មូលនិធិសហប្រតិបត្តិអភិវឌ្ឍន៍សេដ្ឋកិច្ចកូរ៉េ (EDCF) និងចុះពិនិត្យខ្សែផ្លូវជនបទចំនួន៤ខ្សែ
- ថ្ងៃទី៩ ខែសីហា ឆ្នាំ២០២៤ ម៉ោង ៦:០០ ព្រឹក
- សកម្មភាពក្រសួង
![ឯកឧត្ដមបណ្ឌិត ចាន់ ដារ៉ុង អញ្ជើញចូលរួមកិច្ចប្រជុំដើម្បីពិនិត្យវឌ្ឍនភាពគម្រោងរួមគ្នាលើកទី៥ ជាមួយលោកស្រី Minnie Chey នាយិការបស់មូលនិធិសហប្រតិបត្តិអភិវឌ្ឍន៍សេដ្ឋកិច្ចកូរ៉េ (EDCF) និងចុះពិនិត្យខ្សែផ្លូវជនបទចំនួន៤ខ្សែ 2 photo 2024 08 07 19 21 26](https://www.mrd.gov.kh/wp-content/uploads/2024/08/photo_2024-08-07_19-21-26-1000x750.jpg)
ខេត្តកណ្ដាល-កំពង់ឆ្នាំង៖ នារសៀល ថ្ងៃអង្គារ ៣កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧ ខែសីហា ឆ្នាំ២០២៤ នៅទីស្ដីការក្រសួង ឯកឧត្ដមបណ្ឌិត ចាន់ ដារ៉ុង រដ្ឋលេខាធិការ និងជានាយកគម្រោងកែលម្អផ្លូវជនបទជំហានទី៣ តំណាងដ៏ខ្ពង់ខ្ពស់ ឯកឧត្ដម ឆាយ ឬទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ បានអញ្ជើញចូលរួមកិច្ចប្រជុំ ដើម្បីពិនិត្យវឌ្ឍនភាពគម្រោងរួមគ្នាលើកទី៥ ជាមួយលោកស្រី Minnie Chey នាយិការបស់មូលនិធិសហប្រតិបត្តិអភិវឌ្ឍន៍សេដ្ឋកិច្ចកូរ៉េ (EDCF)។
ក្នុងថ្ងៃដដែលនោះដែរ បន្ទាប់ពីបញ្ចប់កិច្ចប្រជុំ ឯកឧត្ដមបណ្ឌិត រដ្ឋលេខាធិការ បានបន្តដឹកនាំមន្រ្តីក្រុមការងារអនុវត្តន៍គម្រោងក្រសួងអភិវឌ្ឍន៍ជនបទ ក្រុមការងារការិយាល័យធនាគារអាហរ័ណ-នីហរ័ណកូរ៉េ (Korea Eximbank) ប្រចាំនៅរាជធានីភ្នំពេញ ក្រុមទីប្រឹក្សាបច្ចេកទេស Seoyoung Engineering Co., Ltd ព្រមទាំងក្រុមហ៊ុនទទួលការសាងសង់ផ្លូវចុះពិនិត្យវឌ្ឍនភាពនៃការកែលម្អផ្លូវជនបទក្រាលកៅស៊ូពីរជាន់ (DBST) ចំនួន៤ ខ្សែប្រវែង ៣៦,៦១ គីឡូម៉ែត្រ ស្ថិតនៅក្នុងស្រុកសាមគ្គីមានជ័យ ខេត្តកំពង់ឆ្នាំង និងផ្លូវជនបទក្រាលកៅស៊ូពីរជាន់ (DBST) ចំនួន ៣ ខ្សែប្រវែង ១៦,៦៥ គីឡូម៉ែត្រ ស្ថិតនៅក្នុងស្រុកអង្គស្នួល ខេត្តកណ្តាល។