ឯកឧត្តម ម៉ា សុវណ្ណា ដឹកនាំកិច្ចប្រជុំពិភាក្សាខ្លឹមសារនៃសេចក្តីផ្តើម សមិទ្ធផល បញ្ហា និងការប្រឈម នៃគោលនយោបាយជាតិអភិវឌ្ឍន៍ជនបទឆ្នាំ ២០២៥-២០៣៨

រាជធានីភ្នំពេញ ៖ នាព្រឹកថ្ងៃព្រហស្បតិ៍ ១២រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០១ ខែសីហា ឆ្នាំ២០២៤ នៅទីស្តីការក្រសួង ឯកឧត្តម ម៉ា សុវណ្ណា អនុរដ្ឋលេខាធិការ និងជាប្រធានលេខាធិការដ្ឋានក្រុមការងាររៀបចំគោលនយោបាយជាតិអភិវឌ្ឍន៍ជនបទឆ្នាំ ២០២៥-២០៣៨ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំកិច្ចប្រជុំពិភាក្សាខ្លឹមសារនៃសេចក្តីផ្តើម សមិទ្ធផល បញ្ហា និងការប្រឈម នៃគោលនយោបាយជាតិអភិវឌ្ឍន៍ជនបទឆ្នាំ ២០២៥-២០៣៨ ដោយមានការចូលរួមពីឯកឧត្តម ចុង ផែត អនុរដ្ឋលេខាធិការ និងលោក ប៊ុន ចាន់ អគ្គនាយករង និងជាអនុប្រធានក្រុម ព្រមទាំងសមាជិកក្រុមសរុប ៦នាក់៕