![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 11 2 17](https://www.mrd.gov.kh/wp-content/uploads/2024/08/2-17-150x150.jpg)
លោក យន់ សារ៉ោម អញ្ជើញចុះពិនិត្យការងារជួសជុលផ្លូវលំ ចំនួន១ខ្សែ ប្រវែង៥៦ ០០០ ម៉ែត្រ នៅក្រុងសែនមនោរម្យ និងស្រុកកែវសីមា ដែលបានរងការខូចខាតដោយសារជំនាន់ទឹកភ្លៀង
- ថ្ងៃទី៣១ ខែកក្កដា ឆ្នាំ២០២៤ ម៉ោង ៨:០០ ព្រឹក
- សកម្មភាពមន្ទីរ
![លោក យន់ សារ៉ោម អញ្ជើញចុះពិនិត្យការងារជួសជុលផ្លូវលំ ចំនួន១ខ្សែ ប្រវែង៥៦ ០០០ ម៉ែត្រ នៅក្រុងសែនមនោរម្យ និងស្រុកកែវសីមា ដែលបានរងការខូចខាតដោយសារជំនាន់ទឹកភ្លៀង 2 photo 2024 07 30 10 14 58 2](https://www.mrd.gov.kh/wp-content/uploads/2024/07/photo_2024-07-30_10-14-58-2-1000x666.jpg)
ខេត្តមណ្ឌលគិរី ៖ នាថ្ងៃអង្គារ ១០រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែកក្កដា ឆ្នាំ២០២៤ លោក យន់ សារ៉ោម ប្រធានមន្ទីរ និងមន្រ្តីបច្ចកទេសការិយាល័យផ្លូវជនបទ បានចុះពិនិត្យការងារជួសជុលផ្លូវលំ ចំនួន១ខ្សែ ប្រវែង៥៦ ០០០ ម៉ែត្រ ពីសង្កាត់រមនា ក្រុងសែនមនោរម្យ ទៅកាឃុំមេម៉ង និងឃុំផ្លាស់ ស្រុកកែវសីមា ខេត្តមណ្ឌលគិរី ដែលបានរងការខូចខាតដោយសារជំនាន់ទឹកភ្លៀងរយៈពេល ១៨ថ្ងៃកន្លង និងបានបង្កឱ្យខូចខាតប្រវែងប្រមាណ ១ ៥០០ម៉ែត្រ ពុំធ្វើដំណើរបាន។
មន្ទីរអភិវឌ្ឍន៍ជនបទខេត្តមណ្ឌលគិរី បានសហការជាមួយដៃគូ ក្រុមហ៊ុនរើនេសង់រ៉ែមាសអូខ្វាវ ជួយសម្របសម្រួលថ្មភ្នំ ដើម្បីយកមកចាក់ក្រាលលើផ្លូវដែលខូច ចំនូន ៧៨ឡាន ស្មើនឹង ១៦៤៥ម៉ែត្រគីប និងកាយប្រឡាយសងខាងផ្លូវបណ្តោះទឹកបានប្រវែង ១ ០០០ម៉ែត្រ។ ក្រុមការងារបានចាក់ថ្មរួចរាល់បានសម្រេចតាមផែនការ និងជួយសម្រួលជូនប្រជាជនបានធ្វើដំណើរបានឡើងវិញជាធម្មតា។ ក្រុមការងារនឹងបន្តកែសម្រួលនៅពេលរាំងភ្លៀងម្តងទៀត៕
![លោក យន់ សារ៉ោម អញ្ជើញចុះពិនិត្យការងារជួសជុលផ្លូវលំ ចំនួន១ខ្សែ ប្រវែង៥៦ ០០០ ម៉ែត្រ នៅក្រុងសែនមនោរម្យ និងស្រុកកែវសីមា ដែលបានរងការខូចខាតដោយសារជំនាន់ទឹកភ្លៀង 3 BA copy scaled](https://www.mrd.gov.kh/wp-content/uploads/2024/07/BA-copy-scaled.jpg)