លោក ម៉ប់ ធីរិត អញ្ចើញដឹកនាំកិច្ចប្រជុំបូកសរុបវឌ្ឍនភាពការងារប្រចាំឆមាសទី១ និងលើកទិសដៅបន្តឆមាសទី២ ឆ្នាំ២០២៤ របស់ក្រុមការងារទឹកស្អាត និងអនាម័យជនបទ

ខេត្តព្រះវិហារ ៖ នារសៀលថ្ងៃអង្គារ ៣រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែកក្កដា ឆ្នាំ២០២៤ លោក ម៉ប់ ធីរិតធ ប្រធានមន្ទីរអភិវឌ្ឍន៍ជនបទខេត្តព្រះវិហារ  បានអញ្ចើញចូលរួមក្នុងកិច្ចប្រជុំបូកសរុបវឌ្ឍនភាពការងារប្រចាំឆមាសទី១ និងលើកទិសដៅបន្តឆមាសទី២ ឆ្នាំ២០២៤ របស់ក្រុមការងារទឹកស្អាត និងអនាម័យជនបទ (PWG-RWSSH) ក្រោមអធិបតីភាពឯកឧត្តម អ៊ុក គឹម សាន អភិបាលរងខេត្ត នៃគណៈអភិបាលខេត្តព្រះវិហារ និងជាប្រធានក្រុមការងារ PWG ខេត្ត។

កិច្ចប្រជុំនេះ មានការអញ្ជើញចូលរួមពីសំណាក់ លោក លោកស្រី ជាអភិបាលរងក្រុង ស្រុកទាំង៨ អនុប្រធានមន្ទីរពាក់ព័ន្ធដែលជាសមាជិក សមាជិកា នៃក្រុមការងារPWG និងតំណាងអង្គការ សមាគមដៃគូអភិវឌ្ឍន៍ដែលបាននឹងកំពុងអនុវត្តការងារលើវិស័យទឹកស្អាត និងអនាម័យជនបទក្នុងខេត្ត សរុបចំនួន ៣៧រូប ស្រី ១៣រូប ។

ក្នុងកិច្ចប្រជុំនេះផងដែរមានធ្វើបទបង្ហាញ បើកឱ្យមានកិច្ចពិភាក្សាយ៉ាងផុលផុសពីសមាជិកអង្គប្រជុំ ដោយផ្តោតលើ បញ្ហា ការប្រឈម ដំណោះស្រាយ និងលើកទិសដៅការងារអនុវត្តបន្តសម្រាប់ឆមាសទី២ ឆ្នាំ២០២៤ ផងដែរ។