លោកប្រធានមន្ទីរអភិវឌ្ឍន៍ជនបទខេត្តសៀមរាប អញ្ជើញចូលរួមពិធីប្រកាសទទួលស្គាល់ជាផ្លូវការ ស្រុកក្រឡាញ់ជាស្រុកបញ្ចប់ការបន្ទោបង់ពាសវាលពាសកាល

ខេត្តសៀមរាប ៖ នាព្រឹកថ្ងៃពុធ ១២កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៧ ខែកក្កដា ឆ្នាំ២០២៤ លោក ទូច ម៉ាឡា ប្រធានមន្ទីរអភិវឌ្ឍន៍ជនបទខេត្តសៀមរាប រួមជាមួយលោកអនុប្រធានមន្ទីរ, លោកប្រធាន អនុប្រធានការិយាល័យថែទាំសុខភាពជនបទ បានអញ្ជើញចូលរួមពិធីប្រកាសទទួលស្គាល់ជាផ្លូវការ ស្រុកក្រឡាញ់ជាស្រុកបញ្ចប់ការបន្ទោបង់ពាសវាលពាសកាល ក្រោមអធិបតីភាព ឯកឧត្តម អ៊ឹង គឹមលាង អភិបាលរង នៃគណៈអភិបាលខេត្តសៀមរាប និងជាប្រធាន PWG តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ។ ក្នុងពិធីនេះដែរ ក៏មានការចូលរួមពី លោកប្រធាននាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទ លោកប្រធានក្រុមប្រឹក្សាស្រុកក្រឡាញ់ លោក លោកស្រីអភិបាល អភិបាលរងនៃគណៈអភិបាលស្រុកក្រឡាញ់ មន្ត្រីរាជការ កងកម្លាំងប្រដាប់អាវុធ លោកនាយករងអង្គការផ្លែនអន្តរជាតិកម្ពុជា និងសហការី  លោកតំណាងឱ្យអង្គការទស្សនពិភពលោកប្រចាំស្រុកក្រឡាញ់ លោក លោកស្រីតំណាងឱ្យអង្គការដៃគូអភិវឌ្ឍន៍នានា លោក លោកស្រីប្រធានក្រុមប្រឹក្សាឃុំទាំងអស់ក្នុងស្រុកក្រឡាញ់ យុវជនកាកបាទក្រហមកម្ពុជាស្រុកក្រឡាញ់  ប្រជាពលរដ្ឋ សិស្សានុសិស្ស សរុបចំនួន២៦០នាក់ស្រី៨៣នាក់៕