ឯកឧត្តម ជា ស៊្រុន អញ្ជើញដឹកនាំគណៈកម្មការអន្តរចុះពិនិត្យ និងវាយតម្លៃបញ្ចប់សុពលភាពលើលទ្ឋផលការងារថែទាំខួបផ្លូវក្រាលក្រួសក្រហមចំនួន ១ខ្សែ ប្រវែង ១០ ៥០០ម ទទឹង ៦ម នៅស្រុកអូរយ៉ាដាវ ខេត្តរតនគិរី

ខេត្តរតនគិរី ៖ នាថ្ងៃពុធ ១២កើត ខែអាសាឍ ឆ្នាំរោង ឆស័ក ព.ស.២៥៦៨  ត្រូវនឹងថ្ងៃទី១៧ ខែកក្កដា ឆ្នាំ២០២៤ ឯកឧត្តម ជា ស៊្រុន រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំគណៈកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ចនិងហិរញ្ញវត្ថុ ចុះពិនិត្យ និងវាយតម្លៃបញ្ចប់សុពលភាពលើលទ្ឋផលការងារថែទាំខួបផ្លូវក្រាលក្រួសក្រហមចំនួន ១ខ្សែ (ផ្លូវភូមិពាក់-តេននិងភូមិដរ) ប្រវែង ១០ ៥០០ម ទទឹង ៦ម ស្ថិតក្នុងឃុំយ៉ាទុង ស្រុកអូរយ៉ាដាវ ខេត្តរតនគិរី អនុវត្តដោយមន្ទីរអភិវឌ្ឍន៍ជនបទខេត្តរតនគិរី ។

ជាលទ្ឋផលគណៈកម្មការអន្តរក្រសួងបានឯកភាពទទួលយក ដើម្បីបញ្ចប់សុពលភាព សម្រាប់គម្រោងការងារថែទាំផ្លូវខួប ឆ្នាំ២០២៣។

បន្ទាប់មក គណៈកម្មការអន្តរក្រសួង បានមកជួបសំណេះសំណាលជាមួយប្រជាពលរដ្ឋ នៅសាលារួមភូមិតេន ឃុំយ៉ាទុង ក្រោមអធិបតីភាព ឯកឧត្តម ជា ស៊្រុន រដ្ឋលេខាធិការក្រសួងអភិវឌ្ឍន៍ជនបទ និងឯកឧត្តម ម៉ា វិចិត្រ អភិបាលរង នៃគណៈអភិបាលខេត្តរតនគិរី រួមជាមួយលោកជំទាវ ឯក គន្ឋវារី អនុរដ្ឋលេខាធិការ លោកអភិបាលរងស្រុកអូរយ៉ាដាវ លោកជំទប់ទី១ ឃុំតំណាងលោកមេឃុំយ៉ាទុង លោកលោកស្រីអមដំណើរនិងប្រជាពលរដ្ឋក្នុងឃុំសរុបចំនួន ៧១នាក់ ស្រី ៤៧នាក់៕