![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 8 2 17](https://www.mrd.gov.kh/wp-content/uploads/2024/08/2-17-150x150.jpg)
ក្រុមការងារបច្ចេកទេស នៃមន្ទីរអភិវឌ្ឍន៍ជនបទខេត្តព្រះសីហនុ ចុះត្រពិនិត្យការខួងអណ្ដូងស្នប់ និងការងារថែទាំផ្លូវជាលក្ខណ:ខួប
- ថ្ងៃទី៩ ខែកក្កដា ឆ្នាំ២០២៤ ម៉ោង ២:០០ ល្ងាច
- សកម្មភាពមន្ទីរ
![ក្រុមការងារបច្ចេកទេស នៃមន្ទីរអភិវឌ្ឍន៍ជនបទខេត្តព្រះសីហនុ ចុះត្រពិនិត្យការខួងអណ្ដូងស្នប់ និងការងារថែទាំផ្លូវជាលក្ខណ:ខួប 2 photo 2024 07 08 19 55 32](https://www.mrd.gov.kh/wp-content/uploads/2024/07/photo_2024-07-08_19-55-32.jpg)
ខេត្តព្រះសីហនុ ៖ នាព្រឹកថ្ងៃចន្ទ ៣កើត ខែអាសាឍ ឆ្នាំរោង ព.ស២៥៦៨ ត្រូវនឹងថ្ងៃទី០៨ ខែកក្កដា ឆ្នាំ២០២៤ លោក ប្រាក់ សុវណ្ណ ប្រធានមន្ទីអភិវឌ្ឍន៍ជនបទ ខេត្តព្រះសីហនុ បានចាត់បញ្ជូនក្រុមការងារបច្ចេកទេសមន្ទីរចំនួន ២ក្រុមផ្សេងគ្នារួមមាន៖
-ក្រុមទី១ ដឹកនាំដោយលោកប្រធានការិយាល័យផ្គត់ផ្គងទឹកជនបទ និងមន្ត្រីការិយាល័យ បានចុះពិនិត្យតាមដានវឌ្ឍនភាពនៃការខួងអណ្ដូងស្នប់ នៅសាលាអនុវិទ្យាល័យហ៊ុនសែនបឹងតាព្រហ្ម ស្ថិតភូមិបឹងតាព្រហ្ម ឃុំបឹងតាព្រហ្ម ស្រុកព្រៃនប់ បានចំនួន ១អណ្តូង។
-ក្រុមទី២ ដឹកនាំដោយលោកប្រធានការិយាល័យផ្លូវជនបទ និងមន្ត្រីការិយាល័យ ចុះត្រួតពិនិត្យខ្សែផ្លូវថែទាំជាលក្ខណ:ខួបចំនួន ៤ខ្សែ៖
ខ្សែទី១ ផ្លូវស្រែក្នុង- រមាសងាប់ ប្រវែង ៤,៨ គីឡូម៉ែត្រ ពីភូមិស្រែក្នុង ឃុំអូរជ្រៅ ដល់ភូមិបឹងតាស្រី ឃុំបឹងតាព្រហ្ម ស្រុកព្រៃនប់
ខ្សែទី២ ផ្លូវបឹងតាព្រហ្ម ប្រវែង ៣គីឡូម៉ែត្រ ពីភូមិបឹងតាព្រហ្ម ដល់ភូមិភ្នំតូច ឃុំបឹងតាព្រហ្ម ស្រុកព្រៃនប់
ខ្សែទី៣ផ្លូវអូរជ្រៅ-បឹងតាព្រហ្ម ប្រវែង ៣គីឡូម៉ែត្រ ពីភូមិអូរជ្រៅ ឃុំអូរជ្រៅ ដល់ភូមិទឹកចេញ ឃុំបឹងតាព្រហ្ម ស្រុកព្រៃនប់
ខ្សែទី៤ ផ្លូវចំការកៅស៊ូ-ព្រែកកំពង់ស្មាច់ ប្រវែង ១៤គីឡូម៉ែត្រ ភូមិចំការកៅស៊ូ ឃុំជើងគោ ស្រុកព្រៃនប់៕