![លោក សំ នីតូ ប្រធានមន្ទីរអភិវឌ្ឍន៍ជនបទខេត្តស្វាយរៀងចុះពិនិត្យមើលទីតាំងត្រូវដាក់ស្លាកព័ត៌មានរបស់គម្រោងនៅស្រុកស្វាយជ្រំ ខេត្តស្វាយរៀង 9 photo 2024 09 03 16 32 49 3](https://www.mrd.gov.kh/wp-content/uploads/2024/09/photo_2024-09-03_16-32-49-3-150x150.jpg)
ឯកឧត្តម នួន ពេជ្រនិមិត្ត អញ្ជើញចូលរួមកម្មវិធីស្តីអំពី សប្ដាហ៍ទឹកនៅតំបន់អាសុី
- ថ្ងៃទី២៣ ខែមិថុនា ឆ្នាំ២០២៤ ម៉ោង ២:០០ ល្ងាច
- សកម្មភាពក្រសួង
![ឯកឧត្តម នួន ពេជ្រនិមិត្ត អញ្ជើញចូលរួមកម្មវិធីស្តីអំពី សប្ដាហ៍ទឹកនៅតំបន់អាសុី 2 photo 2024 06 21 18 17 39 3](https://www.mrd.gov.kh/wp-content/uploads/2024/06/photo_2024-06-21_18-17-39-3-1000x750.jpg)
ប្រទេសសិង្ហបុរី ៖ ចាប់ពីថ្ងៃចន្ទ ១១-១៥កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧-២១ ខែមិថុនា ឆ្នាំ២០២៤ ឯកឧត្តម នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ប្ញទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ អញ្ជើញចូលរួមកម្មវិធីស្តីអំពី សប្ដាហ៍ទឹកនៅតំបន់អាសុី ដែលមានអ្នកជំនាញផ្នែកផ្គត់ផ្គង់ទឹក មកពីស្ថាប័នរដ្ឋ និងក្រុមហ៊ុនឯកជន ចូលរួមប្រមាណ ៥០០០ នាក់។
ក្នុងកិច្ចប្រជុំនេះមានការបែងចែកជាច្រើនវគ្គ និងច្រើនក្រុម ដើម្បីប្រមូលធាតុចូលក្នុងការចូលរួម រួមមាន៖
១. វិធានការទប់ទល់ នឹងការប្រែប្រួលអាកាសធាតុ
២. និរន្តរភាពនៃការផ្គត់ផ្គង់ទឹក
៣. របកគំហើញពីបច្ចេកវិទ្យាថ្មី ស្តីពីការសិក្សាទឹកក្រោមដី
៤. ឧបករណ៍វិភាគគុណភាពទឹក ។ ល។
ក្នុងឱកាសនោះ ឯកឧត្តមបានជួបពិភាក្សាផ្ទាល់ជាមួយមន្ត្រីជាន់ខ្ពស់របស់ ធនាគារអភិវឌ្ឍន៍អាសុី ដើម្បីសុំការគាំទ្រក្នុងវិស័យហេដ្ឋារចនាសម្ព័ន្ធជនបទ ជាពិសេសផ្នែកផ្គត់ផ្គង់ទឹក និងអនាម័យជនបទ ជាការឆ្លើយតប លោក ណូរីអូ (មន្ត្រីជាន់ខ្ពស់របស់ ធនាគារ) បានឆ្លើយតបជាវិជ្ជមាន។