ឯកឧត្តមបណ្ឌិត នួន ដាញ៉ិល ជួបប្រជុំ Kick Off ដើម្បីពិភាក្សាលើដំណើរការនៃការចុះពិនិត្យវឌ្ឍនភាពការងាររបស់កម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) ជាមួយក្រុមបេសកម្មរបស់ធនាគារអភិវឌ្ឍន៍អាល្លឺម៉ង់ (KfW)

រាជធានីភ្នំពេញ ៖ នាព្រឹកថ្ងៃ១៣កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែមិថុនា ឆ្នាំ២០២៤ ឯកឧត្តមបណ្ឌិត នួន ដាញ៉ិល រដ្ឋលេខាធិការ និងជានាយកកម្មវិធី RID4CAM តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយថ្នាក់ដឹកនាំ និងមន្ត្រីនៃអង្គភាពគ្រប់គ្រងកម្មវិធី RID4CAM បានជួបប្រជុំ Kick Off ដើម្បីពិភាក្សាលើដំណើរការនៃការចុះពិនិត្យវឌ្ឍនភាពការងាររបស់កម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) ជាមួយក្រុមបេសកម្មរបស់ធនាគារអភិវឌ្ឍន៍អាល្លឺម៉ង់ (KfW) ដឹកនាំលោកស្រីបណ្ឌិត Carmen Colla អ្នកគ្រប់គ្រងគម្រោងជាន់ខ្ពស់នៃធនាគាអភិវឌ្ឍន៍អាល្លឺម៉ង់ ដោយមានការអញ្ជើញចូលរួមពីលោក សាយ បូរ៉ា អនុប្រធានធនាគារអភិវឌ្ឍន៍អាល្លឺម៉ង់ ប្រចាំព្រះរាជាណាចក្រកម្ពុជា លោក Boris Schinke អ្នកជំនាញការផ្នែកសង្គម និងបរិស្ថាននៃធនាគាអភិវឌ្ឍន៍អាល្លឺម៉ង់ ព្រមទាំងប្រតិភូនៃធនាគារអភិវឌ្ឍន៍អាល្លឺម៉ង់ និងទីប្រឹក្សាបច្ចេកទេស JV INROS LACKNER SE – GITEC IGIP GmbH៕