![ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញពិនិត្យវឌ្ឍនភាពនៃការស្ថាបនាផ្លូវចំនួន ៣ខ្សែនៅខេត្តកំពង់ចាម និងខេត្តត្បូងឃ្មុំ 15 13 1](https://www.mrd.gov.kh/wp-content/uploads/2024/09/13-1-150x150.jpg)
ឯកឧត្ដម សួន សេរីរដ្ឋា អញ្ជើញចូលរួមជាកិត្តិយសប្រគល់ លិខិតទទួលស្គាល់អត្តសញ្ញាណជនជាតិដើមភាគតិច នៅខេត្តសៀមរាប
- ថ្ងៃទី១៦ ខែមិថុនា ឆ្នាំ២០២៤ ម៉ោង ១:៣០ ល្ងាច
- សកម្មភាពក្រសួង
![ឯកឧត្ដម សួន សេរីរដ្ឋា អញ្ជើញចូលរួមជាកិត្តិយសប្រគល់ លិខិតទទួលស្គាល់អត្តសញ្ញាណជនជាតិដើមភាគតិច នៅខេត្តសៀមរាប 2 photo 2024 06 14 18 34 14 2](https://www.mrd.gov.kh/wp-content/uploads/2024/06/photo_2024-06-14_18-34-14-2-1000x750.jpg)
ខេត្តសៀមរាប ៖ នាព្រឹកថ្ងៃសុក្រ ៨កើតខែ ជេស្ឋ ព.ស. ២៥៦៨ ត្រូវនឹងថ្ងៃទី១៤ ខែមិថុនា ឆ្នាំ២០២៤ ឯកឧត្ដម សួន សេរីរដ្ឋា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញចូលរួមជាកិត្តិយសប្រគល់ លិខិតទទួលស្គាល់អត្តសញ្ញាណជនជាតិដើមភាគតិច (ជនជាតិកួយ) ចំនួន ៥សហគមន៍ ដែលរៀបចំដោយនាយកដ្ឋានអភិវឌ្ឍន៍ជនជាតិភាគតិច នៃក្រសួងអភិវឌ្ឍន៍ជនបទ និងមន្ទីរអភិវឌ្ឍន៍ជនបទ ខេត្តសៀមរាប ។
អញ្ជើញចូលរួមក្នុងកម្មវិធីនេះរួមមាន ឯកឧត្តម សុត សឿង អនុរដ្ឋលេខាធិការ លោក អគ្គនាយរងរដ្ឋបាលហិរញ្ញវត្ថុ លោកស្រី ប្រធាននាយកដ្ឋានជនជាតិដើមភាគតិច លោក ប្រធានមន្ទីរអភិវឌ្ឍន៍ជនបទខេត្ត តំណាងរដ្ឋបាលខេត្ត តំណាងមន្ទីរពាក់ព័ន្ធ អភិបាលរងស្រុក មេឃុំ មេភូមិ និងតំណាងគ្រសារជនជាតិកួយចំនួន ១២៩គ្រួសារ មកពីសហគមន៍ចំនួន ៥ ។
បន្ទាប់ពីបានសំណេះសំណាលជាមួយ សមាជិក សមាជិការនៃអង្គពិធីរួចមក ឯកឧត្ដម គណអធិបតី បានប្រគល់លិខិតទទួលស្គាល់អត្តសញ្ញាណជូនដល់តំណាងសហគមន៍ទាំង ៥ និងបានផ្ដាំផ្ញើ ដល់សហគន៍ទាំងអស់ ទាំង ៥ សហគមន៍ ចូលរួមគោរព និងអនុវត្តន៍ច្បាប់ ដោយឈរលើ កត្តាសុខសន្តិភាព និងរួមគ្នាការពារសន្តិភាពនេះ ដើម្បីអភិវឌ្ឍន៍ប្រទេសជាតិឱ្យមានការរីកចម្រើនថែមទៀត ៕