លោកជំទាវ ម៉ាត់ ម៉ារ៉ា អញ្ជើញចូលរួមប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី១ ឆ្នាំ២០២៤ នៅទីស្តីការគណៈរដ្ឋមន្ត្រី

រាជធានីភ្នំពេញ៖ នាព្រឹកថ្ងៃអង្គារ ៥កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមិថុនា ឆ្នាំ២០២៤ លោកជំទាវ ម៉ាត់ ម៉ារ៉ា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ អមដំណើរដោយ លោកស្រី សំ សុភី សមាជិកគណៈកម្មាធិការប្រយុទ្ធនឹងជំងឺអេដស៍ ក្រសួងអភិវឌ្ឍន៏ជនបទ បានអញ្ជើញចូលរួមប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី១ ឆ្នាំ២០២៤ ក្រោមអធិបតីភាព ឯកឧត្តមទេសរដ្ឋមន្ត្រី អៀង ម៉ូលី ប្រធានអាជ្ញាធរជាតិប្រយុទ្ធនឹងជំងឺអេដស៍។

កិច្ចប្រជុំនេះ រៀបចំឡើងនៅទីស្តីការគណៈរដ្ឋមន្ត្រី ដែលមានសមាសភាពចូលរួមមកពីក្រសួងស្ថាប័ន អង្គការជាតិ អន្តរជាតិ និងអាជ្ញាធរថ្នាក់ក្រោមជាតិ សរុបចំនួន ១៧០នាក់។

អង្គប្រជុំមានការធ្វើបទបង្ហាញចំនួន ៣ ៖ ទី១. ស្តីពី វឌ្ឍនភាពនៃការអនុវត្តសេចក្តីសម្រេចចិត្តនៃកិច្ចប្រជុំពេញអង្គលើកទី២ ឆ្នាំ២០២៣, ទី២. ស្តីពី ការអនុវត្តគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍សម្រាប់ឆ្នាំ២០២៣-៣០២៨ និងទី៣ ស្តីពី ការចុះបញ្ជីបុគ្គលិកបម្រើការងារនៅក្នុងសេវាកម្មកម្សាន្ត ប្រជាជនគន្លឹះ៕