![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 9 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
មន្ទីរអភិវឌ្ឍន៍ជនបទខេត្តស្វាយរៀង បានចុះពិនិត្យការដ្ឋានសាងសង់ផ្លូវគម្រោង SAAMBAT នៅស្រុកកំពង់រោទិ៍
- ថ្ងៃទី៩ ខែមិថុនា ឆ្នាំ២០២៤ ម៉ោង ១០:០០ ព្រឹក
- សកម្មភាពមន្ទីរ
![មន្ទីរអភិវឌ្ឍន៍ជនបទខេត្តស្វាយរៀង បានចុះពិនិត្យការដ្ឋានសាងសង់ផ្លូវគម្រោង SAAMBAT នៅស្រុកកំពង់រោទិ៍ 2 photo 2024 06 07 18 18 47](https://www.mrd.gov.kh/wp-content/uploads/2024/06/photo_2024-06-07_18-18-47-1000x750.jpg)
ខេត្តស្វាយរៀង ៖ នាថ្ងៃសុក្រ ១កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៧ ខែមិថុនា ឆ្នាំ២០២៤ លោក ថោង អ៊ុំវ៉ារិន អនុប្រធានមន្ទីរអភិវឌ្ឍន៍ជនបទខេត្តស្វាយរៀង អមដោយមន្រ្តីបច្ចេកទេសការិយាល័យផ្លូវជនបទ វិស្វករប្រចាំការដ្ឋាន ក្រុមហ៊ុនទទួលការសាងសង់ បានអញ្ជើញទៅពិនិត្យវឌ្ឍនភាពការងារសាងសង់ផ្លូវក្រាលកៅស៊ូពីរជាន់ប្រភេទ (DBST) មួយខ្សែក្នុងក្របខណ្ឌគម្រោងគាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារ កសិករ និងពាណិជ្ជូបនីយកម្មកសិកម្ម (SAAMBAT) មានប្រវែង ១២
៤២៩ ម៉ែត្រ តភ្ជាប់ពីផ្លូវជាតិលេខ១ ត្រង់ផ្សារជីភូ ដល់កែងវត្តព្រៃម្នាស់ ស្ថិតនៅសង្កាត់ព្រៃអង្គុញ ក្រុងបាវិត និងឃុំស្វាយតាយាន ឃុំសំឡី ស្រុកកំពង់រោទិ៍ ខេត្តស្វាយរៀង។ រហូតមកដល់ពេលនេះ លទ្ធផលសម្រេចបានប្រមាណ ៨,៧៥%ហើយ ។
នាថ្ងៃដែលនោះដែរ នៅសាលាឃុំបន្ទាយក្រាំង ស្រុកកំពង់រោទិ៍ខេត្តស្វាយរៀង លោក ឃឹម សុម៉ាលី ប្រធានការិយាល័យ និងមន្ត្រីការិយាល័យអភិវឌ្ឍន៍សហគមន៍ បានអញ្ជើញទៅបណ្តុះបណ្តាលពង្រឹងសមត្ថភាពគណៈកម្មាធិការអភិវឌ្ឍន៍ភូមិ (គ.អ.ភ) និងវគ្គបណ្ដុះបណ្ដាលពីវិធីសាស្រ្តអភិវឌ្ឍន៍សហគមន៍នៅកម្ពុជាវគ្គ១ ដោយមានការចូលរួមពី លោកស្រីមេឃុំបន្ទាយក្រាំង លោក លោកស្រី គណៈកម្មាធិការអភិវឌ្ឍន៍ភូមិទាំង ៥ ក្នុងឃុំបន្ទាយក្រាំងសរុបចំនួន ២៦នាក់ ស្រី ៩នាក់៕