![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 10 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្ដមបណ្ឌិត ចាន់ ដារ៉ុង ចូលរួមកិច្ចប្រជុំបូកសរុប (Wrap-up Meeting) ជាមួយក្រុមបេសកកម្មធនាគារពិភពលោក (WB)
- ថ្ងៃទី៤ ខែមិថុនា ឆ្នាំ២០២៤ ម៉ោង ១០:០០ ព្រឹក
- សកម្មភាពមន្ទីរ
![ឯកឧត្ដមបណ្ឌិត ចាន់ ដារ៉ុង ចូលរួមកិច្ចប្រជុំបូកសរុប (Wrap-up Meeting) ជាមួយក្រុមបេសកកម្មធនាគារពិភពលោក (WB) 2 photo 2024 06 03 16 23 27](https://www.mrd.gov.kh/wp-content/uploads/2024/06/photo_2024-06-03_16-23-27-1000x750.jpg)
រាជធានីភ្នំពេញ ៖ នារសៀលនាថ្ងៃចន្ទ ១២រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០៣ ខែមិថុនា ឆ្នាំ២០២៤ ឯកឧត្ដមបណ្ឌិត ចាន់ ដារ៉ុង រដ្ឋលេខាធិការ និងជានាយកគម្រោង តំណាងដ៏ខ្ពង់ខ្ពស់ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ រួមជាមួយលោក ផេង សំបូរ ប្រធាននាយកដ្ឋានផែនការ និងទំនាក់ទំនងសាធារណៈ និងជាប្រធានគ្រប់គ្រងគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) បានដឹកនាំមន្ត្រីបច្ចេកទេសគម្រោង និងក្រុមទីប្រឹក្សាបច្ចេកទេសរបស់គម្រោង ចូលរួមកិច្ចប្រជុំបូកសរុប (Wrap-up Meeting) ជាមួយក្រុមបេសកកម្មធនាគារពិភពលោក (WB) នៅការិយាល័យរបស់ធនាគារពិភពលោក នៅរាជធានីភ្នំពេញ។
កិច្ចប្រជុំនេះ ក៏មានការអញ្ជើញចូលរួមពី ឯកឧត្តម ផែង សុវិជ្ជនោ រដ្ឋលេខាធិការ និងជានាយកគម្រោង នៃក្រសួងសាធារណការ និងដឹកជញ្ជូន ព្រមទាំងតំណាងក្រសួងសេដ្ឋកិច្ច និងហិរញ្ញវត្ថុ ដើម្បីពិភាក្សា និងបូកសរុបលទ្ធផលការងាររបស់ក្រុមបេសកកម្មធនាគារពិភពលោក ចាប់ពីថ្ងៃទី ២៧ ខែឧសភា ដល់ថ្ងៃទី០៣ ខែមិថុនា ឆ្នាំ២០២៤ ក្នុងក្របខ័ណ្ឌគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់។
កិច្ចប្រជុំនេះ បានពិភាក្សាលើសេចក្តីព្រាងឯកសារជំនួយស្មារតីរបស់ក្រុមបេសកកម្មលើកទី៦ សម្រាប់ការអនុវត្តគម្រោង កែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ និងផែនការសកម្មភាពដែលត្រូវអនុវត្តន៍ជាបន្តទៀត ដោយអង្គភាពអនុវត្តន៍គម្រោង៕