មន្ទីរអភិវឌ្ឍន៍ជនបទ ខេត្តស្វាយរៀង ខួងអណ្ដូង ០១កន្លែងជូនប្រជាពលរដ្ឋនៅ ស្រុកកំពង់រោទិ៍

ខេត្តស្វាយរៀង៖ នាព្រឹកថ្ងៃព្រហស្បតិ៍ ២កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០៩ ខែឧសភា ឆ្នាំ២០២៤  លោក សំ នីតូ  ប្រធានមន្ទីរអភិវឌ្ឍន៍ជនបទ ខេត្តស្វាយរៀង អមដំណើរដោយ លោកអនុប្រធានមន្ទីរ លោកប្រធានការិយាល័យផ្គត់ផ្គង់ទឹកជនបទ ចុះសហការជាមួយលោកស្រីមេឃុំបន្ទាយក្រាំង ដើម្បីពិនិត្យមើលការខួងអណ្តូងធន់នឹងការប្រែប្រួលអាកាសធាតុរបស់មន្ទីរអភិវឌ្ឍន៍ជនបទខេត្ត ចំនួន ០១កន្លែង ផ្ទៃមុខកាត់ ១០០មីលីម៉ែត្រ ដែលមានទីតាំងនៅក្នុងឃុំបន្ទាយក្រាំង ស្រុកកំពង់រោទិ៍ ខេត្តស្វាយរៀង។

អណ្ដួងខួងថ្មីនេះ នឹងជួយសម្រួលដល់ប្រជាពលរដ្ឋក្នុងឃុំបន្ទាយក្រាំង ក្នុងការទិញទឹកឯកជនប្រើប្រាស់ មានតម្លៃថ្លៃ ព្រមទាំងខេត្តស្វាយរៀងទាំងមូលកំពុងទទួលរងនូវភាពរាំងស្ងួតផងដែរនោះ។