ក្រុមការងារបច្ចេកទេសរបស់មន្ទីរអភិវឌ្ឍន៍ជនបទខេត្តស្វាយរៀង ដឹកនាំដោយ កញ្ញា អន សាមល អនុប្រធានមន្ទីរ បានចុះសហការជាមួយរដ្ឋបាលស្រុកស្វាយជ្រំ ដើម្បីពិនិត្យមើលការប្រើប្រាស់ទឹកអណ្តូងរបស់ប្រជាពលរដ្ឋចំនួន ៣គ្រួសារ មានបញ្ហា ដោយសារកម្រិតនីវ៉ូទឹកធ្លាក់ចុះធ្វើឱ្យអណ្តូងស្នប់មុខកាត់ទុយោតូចត្រឹម ៤២មីលីម៉ែត្រ និង ៤៩ មីលីម៉ែត្រ របស់ពួកគាត់ពិបាកធ្វើការបូមខុសប្រក្រតីក្នុងរដូវប្រាំងនេះ។

ខេត្តស្វាយរៀង៖ នាថ្ងៃអង្គារ ៧រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤ ក្រុមការងារបច្ចេកទេសរបស់មន្ទីរអភិវឌ្ឍន៍ជនបទខេត្តស្វាយរៀង ដឹកនាំដោយ កញ្ញា អន សាមល អនុប្រធានមន្ទីរ បានចុះសហការជាមួយរដ្ឋបាលស្រុកស្វាយជ្រំ ដើម្បីពិនិត្យមើលការប្រើប្រាស់ទឹកអណ្តូងរបស់ប្រជាពលរដ្ឋចំនួន ៣គ្រួសារ មានបញ្ហា ដោយសារកម្រិតនីវ៉ូទឹកធ្លាក់ចុះធ្វើឱ្យអណ្តូងស្នប់មុខកាត់ទុយោតូចត្រឹម ៤២មីលីម៉ែត្រ និង ៤៩ មីលីម៉ែត្រ របស់ពួកគាត់ពិបាកធ្វើការបូមខុសប្រក្រតីក្នុងរដូវប្រាំងនេះ។

ជាមួយគ្នានេះ ក្រុមការងារបានណែនាំប្រជាពលរដ្ឋ ឱ្យអនុវត្ត៖

– ក្នុងករណីប្រជាពលរដ្ឋធ្វើការខួងអណ្តូងស្នប់ដែលមានមុខកាត់ចាប់ពី៨០មីលីម៉ែត្រ ឡើងទៅ ដើម្បីមានភាពធន់នឹងការប្រែប្រួលអាកាសធាតុ ។

– សូមឱ្យគ្រួសារមានខ្នងផ្ទះជាប់ៗគ្នា ឬនៅក្នុងភូមិជាមួយគ្នាជួយចែករំលែកទឹកសម្រាប់គ្រួសារដែលខ្វះខាតទឹកនៅរដូវប្រាំងនេះ។

– ស្នើសុំឱ្យប្រជាពលរដ្ឋក្នុងឃុំ ផ្អាកការបូមទឹកពីក្រោមដីមកធ្វើស្រែប្រាំង៕