ស្វែងរក

លោក អនុប្រធាននាយកដ្ឋានថែទាំសុខភាពជនបទ ចូលរួមវេទិកាស្តីពី “ ភស្តុតាងក្នុងការធ្វើឱ្យប្រសើរឡើងនូវស្ថានភាពអាហារូបត្ថម្ភរបស់កុមារសម្រាប់ជាជម្រើសក្នុងការបង្កើតគោលនយោបាយ”

ចែលរំលែក

រាជធានីភ្នំពេញ ៖ នាថ្ងៃព្រហស្បត៍ ១១រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹង ថ្ងៃទី០៤ ខែមេសា  ឆ្នាំ២០២៤ នៅសណ្ឋាគារកាបូឌីយ៉ាណា លោក ខុន លីដូ អនុប្រធាននាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទលោក ព្រហ្ម ប៉ូលីម អនុប្រធានការិយាល័យ បានចូលរួមវេទិកាស្តីពី “ ភស្តុតាងក្នុងការធ្វើឱ្យប្រសើរឡើងនូវស្ថានភាពអាហារូបត្ថម្ភរបស់កុមារសម្រាប់ជាជម្រើសក្នុងការបង្កើតគោលនយោបាយ”  ក្រោមអធិបតីភាព លោកជំទាវវេជ្ជបណ្ឌិត ប្រាក់ សោភណ័នារី រដ្ឋលេខាធិការក្រសួងសុខាភិបាល និងឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាសហប្រធានអនុក្រុមការងារទឹកស្អាត អនាម័យ និងអាហារូបត្ថម្ភ ។

 

ពិធីនេះក៏មានការចូលរួមពី លោកស្រីវេជ្ជបណ្ឌិត ជា ម៉ារី ប្រធានកម្មវិធីអាហារូបត្ថម្ភជាតិ លោក យី គឹមថាន អនុប្រធានអង្គការភ្លែនអន្តរជាតិប្រចាំនៅកម្ពុជា មជ្ឈមណ្ឌលជាតិគាំពារមាតា និង ទារក  មជ្ឈមមណ្ឌលជាតិលើកកម្ពស់សុខភាព ប្រធាន និងមន្ត្រីនៃមន្ទីរសុខាភិបាលខេត្តសៀមរាប ស្ទឹងត្រែង រតនៈគិរី  តំណាងឯកអគ្គរដ្ឋទូតនៃសាធារណរដ្ឋសហពន្ធ័អាល្លឺម៉ង់ប្រចាំនៅព្រះរាជាណាចក្រកម្ពុជា តំណាងអង្គការ UNICEF តំណាងទីភ្នាក់ងារសហប្រតិបត្តិការអន្តរជាតិអាល្លឺម៉ង់ GIZ តំណាងកុមារ និង យុវជន ខេត្ត រាជធានី មកពីខេត្តស្ទឹងត្រែង និងរតនៈគិរី ព្រមទាំងអង្គការដៃគូរជាច្រើនទៀតសរុបចំនួន ៦៣នាក់ ស្រី ២៨នាក់ ។

សិក្ខាសាលានេះ បានរៀបចំឡើងដោយអង្គការ plan International កម្ពុជាក្នុងគោលបំណងដូចខាងក្រោមនេះ ៖

 

១- ដើម្បីចែករំលែកជាមួយភាគីពាក់ពន្ធ័ស្តីពីបទពិសោធន៍ របកគំហើញ និង អនុសាសន៍នៃការអនុវត្តគម្រោងសមាហរណកម្មអាហារូបត្ថម្ភរបស់អង្គការ plan International កម្ពុជា ។

 

២- ដើម្បីផ្តល់នូវអនុសាសន៍ដែលជាជម្រើសក្នុងការរៀបចំគោលនយោបាយឆ្ពោះទៅរកការពន្លឿនវឌ្ឍនភាពលើសូចនាករដៅ២.២.១ ភាពក្រិសក្រិន ( Stunting) និង ចំនុចដៅ២.២.២ ភាពស្គមស្គាំង (Wasting) ។

 

ជាលទ្ធផលអង្គសិក្ខាសាលាបានទទួលដូចខាងក្រោម៖

១- ភាគីពាក់ពន្ធ័ទទួលបានឱកាសរៀនសូត្រពីបទពិសោធន៍ របកគំហើញ និង អនុសាសន៍នៃការអនុវត្តគម្រោងសមាហរណកម្មអាហារូបត្ថម្ភរបស់អង្គការ plan International កម្ពុជា។

២- ភាគីពាក់ពន្ធ័មានឱកាសផ្តល់នូវអនុសាសន៍ដែលជាជម្រើសក្នុងការរៀបចំគោលនយោបាយឆ្ពោះទៅរកការពន្លឿនវឌ្ឍនភាពលើសូចនាករដៅ២.២.១ ភាពក្រិសក្រិន ( Stunting) និង ចំនុចដៅ២.២.២ ភាពស្គមស្គាំង (Wasting) ។

៣- លទ្ធផល បទពិសោធន៍  ឧត្តមានុវត្តន៍ នៃការអនុវត្តគម្រោងលើកកម្ពស់អាហារូបត្ថម្ភ របស់អង្គការ Plan International ។

៤- ្រកុមការងារត្រួតពិនិត្យ និងវាយតំលៃនៃអង្គការ plan International កម្ពុជាបានបង្ហាញការសិក្សាមួយនៃគម្រោងទាំង៣​គឺគម្រោងកុមាររុងរឿង គម្រោង ១ ០០០ថ្ងៃដំបូង និងគម្រោងលើកកម្ពស់អាហារូបត្ថម្ភ៕

ព្រឹត្តិការណ៍និងព័ត៌មានថ្មីៗ

ឯកឧត្តម សាន វិសាល បានអញ្ជើញជាអធិបតី ក្នុងសិក្ខាសាលាស្ដីពី ការងារគ្រប់គ្រងគម្រោងពង្រឹងសមត្ថភាពផលិតភាពជនបទ (NRRPCP) ប្រចាំឆ្នាំ២០២៤ និងទិសដៅការងារឆ្នាំ២០២៥ របស់គម្រោងពង្រឹងសមត្ថភាពផលិតភាពជនបទ

៨ ម៉ោងមុន ថ្ងៃទី២១ ខែធ្នូ ២០២៤

ឯកឧត្តមបណ្ឌិត នួន ដាញ៉ិល អញ្ជើញដឹកនាំគណៈកម្មការអន្តរក្រសួង ចុះត្រួតពិនិត្យ និងវាយតម្លៃលទ្ធផលការងារថែទាំខួបផ្លូវចំនួន ២គម្រោង នៅស្រុកចំការលើ និងស្រុកជើងព្រៃ ខេត្តកំពង់ចាម

១០ ម៉ោងមុន ថ្ងៃទី២១ ខែធ្នូ ២០២៤

ឯកឧត្តមបណ្ឌិត សៅ ជីវ័ន្ត បានដឹកនាំគណ:ប្រតិភូអន្តរក្រសួងចុះត្រួតពិនិត្យនិងវាយតម្លៃការងារផ្លូវថែទាំខួបដោយក្រាលល្បាយថ្មភ្នំចំនួន៣ខ្សែ មានប្រវែងសរុប៩៣០០ម៉ែត្រ ក្នុងខេត្តកែប

១២ ម៉ោងមុន ថ្ងៃទី២១ ខែធ្នូ ២០២៤

ឯកឧត្តម ផូ ផារិទ្ធ បានចូលរួមក្នុងកិច្ចប្រជុំពិនិត្យ ពិភាក្សាអំពីផែនការបោះបង្គោលព្រំដែន ការស្ថាបនាបណ្តាញផ្លូវគមនាគមន៍ តំបន់ព្រំដែនកម្ពុជាជាប់ប្រទេសឡាវ – វៀតណាម – ថៃ និងរៀបចំស្នេីសុំថវិកា ឆ្នាំ២០២៥ សម្រាប់ដោះស្រាយសំណង់បានស្ថាបនារួច និងផែនការស្ថាបនាថ្មី នៅតាមបណ្តោយព្រំដែន ប្រទេសកម្ពុជា-វៀតណាម និងព្រំដែនកម្ពុជា -ឡាវ

១ ថ្ងៃមុន ថ្ងៃទី២០ ខែធ្នូ ២០២៤

ឯកសារនិងរបាយការណ៍ថ្មីៗ