![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 9 2 17](https://www.mrd.gov.kh/wp-content/uploads/2024/08/2-17-150x150.jpg)
នាយកដ្ឋានអភិវឌ្ឍន៍ជនជាតិភាគតិច អញ្ជើញដឹកនាំក្រុមការងារបច្ចេកទេសនាយកដ្ឋាន ចូលរួមកិច្ចប្រជុំពេញអង្គ ស្តីពីការវាយតម្លៃកំណត់អត្តសញ្ញាណសហគមន៍ជនជាតិដើមភាគតិច កួយ ចំនួន ៥ភូមិ
- ថ្ងៃទី១០ ខែមិនា ឆ្នាំ២០២៤ ម៉ោង ៨:០០ ព្រឹក
- សកម្មភាពក្រសួង
![នាយកដ្ឋានអភិវឌ្ឍន៍ជនជាតិភាគតិច អញ្ជើញដឹកនាំក្រុមការងារបច្ចេកទេសនាយកដ្ឋាន ចូលរួមកិច្ចប្រជុំពេញអង្គ ស្តីពីការវាយតម្លៃកំណត់អត្តសញ្ញាណសហគមន៍ជនជាតិដើមភាគតិច កួយ ចំនួន ៥ភូមិ 2 photo 2024 03 07 12 58 00](https://www.mrd.gov.kh/wp-content/uploads/2024/03/photo_2024-03-07_12-58-00-1000x750.jpg)
ខេត្តសៀមរាប៖ នៅថ្ងៃព្រហស្បតិ៍ ១២រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៧ ខែមីនា ឆ្នាំ២០២៤ លោក ងី ផាន្នី អនុប្រធាននាយកដ្ឋាន បានដឹកនាំក្រុមការងារបច្ចេកទេសនាយកដ្ឋាន ចូលរួមកិច្ចប្រជុំពេញអង្គ ស្តីពីការវាយតម្លៃកំណត់អត្តសញ្ញាណសហគមន៍ជនជាតិដើមភាគតិច កួយ ចំនួន ៥ភូមិ រួមមាន: ភូមិស្រែណូយ, ភូមិស្រែសមុទ្រ, ភូមិល្វា, ភូមិគោកវត្ត, ភូមិវត្ត ឃុំស្រែណូយ ស្រុកវ៉ារិន ខេត្តសៀមរាប ដែលមានសមាសភាពចូលរួមដូចជា៖ ក្រុមការងារនាយកដ្ឋាន តំណាងសាលាខេត្ត លោកអនុប្រធានមន្ទីរ-ប្រធានការិយាល័យនៃមន្ទីរអភិវឌ្ឍន៍ជនបទខេត្តសៀមរាប តំណាងមន្ទីរផែនការខេត្ត លោកអភិបាលរងស្រុក លោកស្រីមេឃុំ មេភូមិទាំង៥ភូមិ និងបងប្អូនជនជាតិដើមភាគតិចទាំង ៥ភូមិ សរុបចំនួន ១២៣នាក់ ស្រីចំនួន ៧៤នាក់។
ជាលទ្ធផលនៃកិច្ចប្រជុំខាងលើ៖
-ប្រជាពលរដ្ឋទាំង ៥ភូមិ បានស្រុះស្រួល និងឯកភាពគ្នាថាខ្លួនពិតជាជនជាតិដើមភាគតិច កួយ
-បងប្អូនជនជាតិដើមភាគតិច កួយ បានស្រុះស្រួលគ្នាក្នុងការបង្កើតជាសហគមន៍ជនជាតិដើមភាគតិច
-បងប្អូនជនជាតិដើមភាគតិច កួយ បានដាក់ពាក្យស្នើសុំចូលជាសមាជិកសហគមន៍រួចហើយ។