![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 10 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្ដម អ៊ិន ចន្ថា រដ្ឋលេខាធិការ បានដឹកនាំកិច្ចប្រជុំពិភាក្សាវឌ្ឍនភាពការងារប្រចាំខែកុម្ភៈ និងទិសដៅការងារបន្ដ
- ថ្ងៃទី២ ខែមិនា ឆ្នាំ២០២៤ ម៉ោង ២:០៥ ល្ងាច
- សកម្មភាពក្រសួង
![ឯកឧត្ដម អ៊ិន ចន្ថា រដ្ឋលេខាធិការ បានដឹកនាំកិច្ចប្រជុំពិភាក្សាវឌ្ឍនភាពការងារប្រចាំខែកុម្ភៈ និងទិសដៅការងារបន្ដ 2 photo 2024 02 29 15 24 16 2](https://www.mrd.gov.kh/wp-content/uploads/2024/03/photo_2024-02-29_15-24-16-2-1000x750.jpg)
រាជធានីភ្នំពេញ៖ នារសៀលថ្ងៃព្រហស្បតិ៍ ៥រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែកុម្ភៈ ឆ្នាំ២០២៤ នៅទីស្ដីការក្រសួង ឯកឧត្ដម អ៊ិន ចន្ថា រដ្ឋលេខាធិការ និងជាអ្នកសម្របសម្រួលតាមដាន ត្រួតពិនិត្យ និងវាយតម្លៃការអនុវត្តកម្មវិធីទី៣ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ បានដឹកនាំកិច្ចប្រជុំពិភាក្សាវឌ្ឍនភាពការងារប្រចាំខែកុម្ភៈ និងទិសដៅការងារបន្ដ។ ដោយមានការអញ្ជើញចូលរួម ពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ តំណាងឯកឧត្តមអគ្គនាយក អគ្គនាយករង ឯកឧត្តម លោក លោកស្រីប្រធាននាយកដ្ឋាន ជាថ្នាក់ដឹកនាំ ព្រមទាំងមន្ដ្រីរាជការ នៃនាយកដ្ឋានទាំង ៤ ក្នុងកម្មវិធីទី៣ សរុប ៣០រូប។
ជាកិច្ចចាប់ផ្ដើម ឯកឧត្ដមរដ្ឋលេខាធិការ បានអនុញ្ញាតអោយនាយកដ្ឋាននីមួយៗ ធ្វើរបាយការណ៍ស្តីពីវឌ្ឍនភាពការងារ និងទិសដៅការងារបន្តជូនអង្គប្រជុំ។
បន្ទាប់ពីស្ដាប់សេចក្ដីរាយការណ៍របស់នាយកដ្ឋានជំនាញទាំង៤រួចមក ឯកឧត្ដមរដ្ឋលេខាធិការ បានផ្ដល់ជាអនុសាសន៍ណែនាំដូចខាងក្រោម៖
១.ត្រូវពង្រឹងការគ្រប់គ្រងវត្តមានរបស់មន្រ្តីរាជការប្រចាំថ្ងៃ របស់នាយកដ្ឋាននីមួយៗ
១.ត្រូវពង្រឹងការគ្រប់គ្រងវត្តមានប្រចាំថ្ងៃរបស់មន្ត្រី
២.ត្រូវយកចិត្តទុកដាក់ខ្ពស់ក្នុងការបំពេញការងារ ឲ្យស្របតាមច្បាប់ស្តីពីសហលក្ខន្តិកៈ នៃមន្ត្រីរាជការស៊ីវិល ។
៣. សូមថ្នាក់ដឹកនាំ និងមន្ត្រីទាំងអស់យកចិត្តទុកដាក់ខ្ពស់ចំពោះ បច្ចេកវិទ្យាឌីជីថលដើម្បីអនុវត្តការងារឲ្យមានប្រសិទ្ធភាពខ្ពស់ដើរទាន់សម័យកាល ។
៤. សូមមន្ត្រីរាជការទាំងអស់ត្រូវចូលរួមគាំទ្រយ៉ាងពេញទំហឹងចំពោះ បទបញ្ជាស្ដីពី ការដាក់ចេញវិធានការម៉ឹងម៉ាត់ក្នុងការប្រយុទ្ធប្រឆាំងគ្រឿងញៀន។
៥. សូមថ្នាក់ដឹកនាំ និងមន្ត្រីទាំងអស់ត្រូវយល់ដឹងតួនាទីភារៈកិច្ចចំពោះកម្មវិធីទាំងបួនរបស់ក្រសួងអភិវឌ្ឍន៍ជនបទ ។
៦.ស្នើសុំឲ្យថ្នាក់ដឹកនាំ និងមន្ត្រីរាជការទាំងអស់ជួយផ្សព្វផ្សាយ Like និងShare ព្រមទាំងផ្សព្វផ្សាយនូវសមិទ្ធផលរបស់ក្រសួងអភិវឌ្ឍន៍ជនបទ ក៏ដូចជាសមិទ្ធផលរបស់រាជរដ្ឋាភិបាលកម្ពុជា ជាពិសេសសកម្មភាពរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។
៧.សូមឲ្យនាយកដ្ឋានអភិវឌ្ឍន៍សហគមន៍បន្តជំរុញនឹងយល់ចិត្តទុកដាក់ខ្ពស់ទៅលើ ភូមិគំរូ ។