![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 8 2 17](https://www.mrd.gov.kh/wp-content/uploads/2024/08/2-17-150x150.jpg)
លោកជំទាវ គង់ សុធីវី អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៤ របស់មន្ទីរអភិវឌ្ឍន៍ជនបទខេត្តព្រះសីហនុ
- ថ្ងៃទី២០ ខែកុម្ភៈ ឆ្នាំ២០២៤ ម៉ោង ១០:០០ ព្រឹក
- សកម្មភាពក្រសួង
![លោកជំទាវ គង់ សុធីវី អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៤ របស់មន្ទីរអភិវឌ្ឍន៍ជនបទខេត្តព្រះសីហនុ 2 photo 2024 02 19 17 56 47](https://www.mrd.gov.kh/wp-content/uploads/2024/02/photo_2024-02-19_17-56-47-1000x750.jpg)
ខេត្តព្រះសីហនុ ៖ នាថ្ងៃចន្ទ ១០កើត ខែមាឃ ឆ្នាំថោះ បញ្ចស័ក ពុទ្ធស័ករាជ ២៥៦៧ ត្រូវនឹងថ្ងៃទី១៩ ខែកុម្ភៈ ឆ្នាំ២០២៤ លោកជំទាវ គង់ សុធីវី រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៤ របស់មន្ទីរអភិវឌ្ឍន៍ជនបទខេត្តព្រះសីហនុ។
កិច្ចប្រជុំនេះមានការចូលរួមពី លោក ប្រាក់ សុវណ្ណ ប្រធានមន្ទីរ លោកអនុប្រធានមន្ទីរ និងមន្ត្រីរាជការសរុបចំនួន ២១នាក់។
បន្ទាប់ពីបានស្តាប់របាយការណ៍បូកសរុបលទ្ធផលការងារខែកុម្ភៈ និងលើកទិសដៅការងារខែមីនា ឆ្នាំ២០២៤ និងការសំណូមពរ របស់លោកប្រធានមន្ទីររួចមក លោកជំទាវរដ្ឋលេខាធិការ បានធ្វើការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ទីរនាពេលកន្លងមក។ បន្ថែមពីនេះ លោកជំទាវរដ្ឋលេខាធិការក៏បានពាំនាំនូវបណ្តាំសាកសួរសុខទុក្ខពីសំណាក់ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ ជូនដល់ថ្នាក់ដឹកនាំ និងមន្រ្តីរាជការនៃមន្ទីរអភិវឌ្ឍន៍ជនបទខេត្តព្រះសីហនុទាំងអស់។ ក្នុងនោះដែរ លោកជំទាវរដ្ឋលេខាធិការ ក៏បានធ្វើការផ្សព្វផ្សាយកម្មវិធីអាទិភាពទាំង៤ របស់ក្រសួងអភិវឌ្ឍន៍ជនបទ ជាជំហានដំបូងសិន ដោយនៅថ្ងៃទី១ ខែមីនា ខាងមុខនេះ លោកជំទាវ និងក្រុមការងារបច្ចេកទេសក្រសួង នឹងអញ្ជើញមកបន្តធ្វើការផ្សព្វផ្សាយលម្អិតបន្ថែមទៀត ដល់មន្ត្រីទាំងអស់ឱ្យបានយល់ដឹងគ្រប់ៗគ្នា និងបានផ្តាំផ្ញើរទៅថ្នាក់ដឹកនាំ និងមន្រ្តីគ្រប់លំដាប់ថ្នាក់នៃមន្ទីរ បន្តរក្សាសាមគ្គីភាពផ្ទៃក្នុងឱ្យបានល្អ និងពង្រឹងកិច្ចសហការជាមួយរដ្ឋបាលខេត្ត មន្ទីរនានា អង្គភាពជុំវិញខេត្តដើម្បីបង្កើនប្រសិទ្ធភាពការងារ៕