![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 9 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
ក្រុមការងារអនុវត្តគម្រោងឥណទាននៃនាយកដ្ឋានសេដ្ឋកិច្ចជនបទ បានរៀបចំកិច្ចប្រជុំស្ដីពី ការចុះត្រួតពិនិត្យ និងផ្ទៀងផ្ទាត់បញ្ជីសាច់ប្រាក់ នៅអង្គភាពអនុវត្តគម្រោង ខេត្តកំពង់ចាម និងខេត្តត្បូងឃ្មុំ
- ថ្ងៃទី២៩ ខែមករា ឆ្នាំ២០២៤ ម៉ោង ១២:៤៨ ល្ងាច
- សកម្មភាពក្រសួង
![ក្រុមការងារអនុវត្តគម្រោងឥណទាននៃនាយកដ្ឋានសេដ្ឋកិច្ចជនបទ បានរៀបចំកិច្ចប្រជុំស្ដីពី ការចុះត្រួតពិនិត្យ និងផ្ទៀងផ្ទាត់បញ្ជីសាច់ប្រាក់ នៅអង្គភាពអនុវត្តគម្រោង ខេត្តកំពង់ចាម និងខេត្តត្បូងឃ្មុំ 2 photo 2024 01 27 10 51 40](https://www.mrd.gov.kh/wp-content/uploads/2024/01/photo_2024-01-27_10-51-40-1000x753.jpg)
ខេត្តកំពង់ចាម៖ នាថ្ងៃអង្គារ-ព្រហស្បតិ៍ ១៣កើត-១៥កើត ខែបុស្ស ឆ្នាំថោះ បញ្ចស័ក.ព.ស.២៥៦៧ ត្រូវនឹងថ្ងៃទី២៣-២៥ ខែមករា ឆ្នាំ២០២៤ ក្រុមការងារអនុវត្តគម្រោងឥណទាននៃនាយកដ្ឋានសេដ្ឋកិច្ចជនបទ បានរៀបចំកិច្ចប្រជុំស្ដីពី ការចុះត្រួតពិនិត្យ និងផ្ទៀងផ្ទាត់បញ្ជីសាច់ប្រាក់ នៅអង្គភាពអនុវត្តគម្រោង ខេត្តកំពង់ចាម និងខេត្តត្បូងឃ្មុំ។
កិច្ចប្រជុំនេះប្រព្រឹត្តទៅរយៈពេល ០៣ថ្ងៃ នៅមន្ទីរអភិវឌ្ឍន៍ជនបទខេត្តកំពង់ចាម ក្រោមអធិបតីភាព ឯកឧត្ដម លី ណារុន រដ្ឋលេខាធិការ និងជាប្រធានក្រុមប្រឹក្សាភិបាលគម្រោងឥណទានក្រសួងអភិវឌ្ឍន៍ជនបទ ក្នុងគោលបំណងពិនិត្យ និងផ្ទៀងផ្ទាត់សាច់ប្រាក់ជាមួយប្រជាពលរដ្ឋ ដែលជាអតិថិជន ពាក់ព័ន្ធនឹងឯកសារ
ប្រាក់កម្ចី និងការសងត្រលប់មកវិញ ដែលទទួលបានលទ្ធផលដូចខាងក្រោម៖
– ថ្ងៃទី២៣ ខែមករា ឆ្នាំ២០២៤ ក្រុមការងារបានចុះពិនិត្យ និងជួបសម្ភាសន៍ជាមួយប្រជាពលរដ្ឋជាអតិថិជន នៅស្រុកស្ទឹងត្រង់ ចំនួន ០៣ឃុំ (១១ភូមិ)
– ថ្ងៃទី២៤ ខែមករា ឆ្នាំ២០២៤ ក្រុមការងារបានចុះពិនិត្យ និងសម្ភាសន៍ជាមួយប្រជាពលរដ្ឋ ជាអតិថិជន នៅស្រុកកោះសូទិន ចំនួន ០១ឃុំ (០៤ភូមិ)
– ថ្ងៃទី២៥ ខែមករា ឆ្នាំ២០២៤ ក្រុមការងារបានចុះពិនិត្យ និងសម្ភាសន៍ជាមួយប្រជាពលរដ្ឋ ជាអតិថិជន នៅស្រុកចំការលើ ចំនួន ០២ឃុំ (០៥ភូមិ)។