ខេត្តកណ្តាល៖ នៅព្រឹកថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ លោក ហៃ ដាន អនុប្រធានមន្ទីរអភិវឌ្ឍន៍ជនបទ ខេត្តកណ្តាល បានដឹកនាំក្រុមការងារមន្ទីរចូលរួមសហការសម្របសម្រួលជាមួយរដ្ឋបាលក្រុងសំពៅពូន បានរៀបចំកិច្ចប្រជុំស្តីពីការចុះផ្ទៀងផ្ទាត់ទិន្នន័យភូមិ និងជំរុញខ្នងផ្ទះកំពុងប្រីប្រាស់បង្គន់រួមឱ្យសាងសង់បង្គន់ប្រើប្រាស់ផ្ទាល់ខ្លួន នៅសង្កាត់ជ្រោយតាកែវ និងសង្កាត់ឈើខ្មៅក្រុងសំពៅពូន ដើម្បីជំរុញឱ្យឈានឆ្ពោះទៅសម្រេចបានបញ្ចប់ការបន្ទោបង់ពាសវាល ពាសកាលកម្រិតខ្ពស់ (ODF+) ដែលមានសមាភាពចូលរួមពីតំណាងមន្ត្រីការិយាល័យអភិវឌ្ឍន៍សេដ្ឋកិច្ច និងសហគមន៍ នៃរដ្ឋបាលក្រុងសំពៅពូន អាជ្ញាធរមូលដ្ឋានសង្កាត់ និងភូមិ  សរុប ៤៤ នាក់ ស្រី១៤ នាក់។

គោលបំណងសំខាន់នៃកិច្ចប្រជុំគឺដើម្បីផ្សព្វផ្សាយ និងជំរុញឱ្យឈានឆ្ពោះទៅសម្រេចបានបញ្ចប់ការបន្ទោបង់ពាសវាល ពាសកាលកម្រិតខ្ពស់ (ODF+)។

លោក ហ៊ី គីមសេង ចៅសង្កាត់ជ្រោយតាកែវ បានមានមតិចំណាប់អារម្មណ៍ និងថ្លែងអំណរគុណដល់ក្រុមការងារបច្ចេកទេសរបស់មន្ទីរដែល បាន ជួយគាំទ្រ និងជំរុញការងារបញ្ចប់ការបន្ទោបង់ពាសវាលពាសកាលកម្រិតខ្ពស់ (ODF) និងជំរុញក្រុមការងារមូលដ្ឋានបន្តផ្សព្វផ្សាយបន្ថែមទៀតពីការបញ្ចប់បន្ទោបង់ពាស់ពាសកាល។

បន្ទាប់មក លោក ហៃ ដាន អនុប្រធានមន្ទីរ បានថ្លែងអំណរគុណយ៉ាងជ្រាលជ្រៅ ចំពោះ ការចូលរួមសហការយ៉ាងសកម្មរបស់អាជ្ញាធរមូលដ្ឋានក្រុង ស្រុក និងឃុំ សង្កាត់គ្រប់លំដាប់ថ្នាក់ ព្រមទាំងភាគីពាក់ព័ន្ធ ដែលបានខិតខំប្រឹងប្រែងយកចិត្តទុក ដាក់ ខ្ពស់ កន្លងមកដែលនាំឱ្យខេត្តកណ្តាលទទួលបានជ័យលាភីជាខេត្តទី៣ បញ្ចប់ការបន្ទោបង់ពាសវាលពាសកាលមុនផែនការកំណត់។

ឆ្លៀតក្នុងឱកាសនោះផងដែរ លោកអនុប្រធានមន្ទីរ ក៏បានលើកឡើងអំពីការងារផ្ទេរមុខងារមួយចំនួនលើវិស័យអភិវឌ្ឍន៍ជនបទជូនរដ្ឋបាលក្រុង ស្រុក និង ឃុំ សង្កាត់  ជាពិសេសបានផ្សព្វផ្សាយបន្តនូវសារអបអរសាទរទិវាជាតិលើកកម្ពស់អនាម័យជនបទលើកទី១៤ របស់ សម្តេចមហាបវរធិបតី ហ៊ុន ម៉ាណែត នាយក រដ្ឋ មន្ត្រី នៃព្រះរាជាណាចក្រកម្ពុជា កាលពីថ្ងៃទី១៣ ខែវិច្ឆិកា ឆ្នាំ២០២៣។

បន្ទាប់មក លោកស្រី ស្រេង ដាណេ ប្រធានក្រុមទទួលបន្ទុកការងារជំរុញ (ODF+)រួមជាមួយក្រុមការបច្ចេកទេសបានធ្វើការ បង្ហាញ ពី គោលការណ៍ណែនាំស្តីពីការផ្ទៀងផ្ទាត់ទិន្នន័យស្ថានភាពបញ្ចប់ការបន្ទោបង់ពាសវាលពាសកាលកម្រិតខ្ពស់ ( ODF+) និងជំរុញខ្នងផ្ទះ កំពុងប្រីប្រាស់ បង្គន់រួម ឱ្យសាងសង់បង្គន់ប្រើប្រាស់ផ្ទាល់ខ្លួន ដើម្បីជំរុញឱ្យឈានឆ្ពោះទៅសម្រេចបានបញ្ចប់ ការបន្ទោ បង់ ពាសវាលពាសកាលកម្រិតខ្ពស់(ODF+)នាពេលខាងមុខឆាប់ៗនេះ។

កិច្ចប្រជុំបានបញ្ចប់ប្រកបទៅដោយស្មារតីកិច្ចសហប្រតិបត្តិការល្អ និងមានភាពស្និទ្ធស្នាលបំផុត សិក្ខាកាមនិងនាំយកនូវអ្វីដែលថ្មី និងជំរុញទៅតាមមូលដ្ឋានរៀងៗខ្លួនបញ្ចប់បន្ទោបង់ពាសវាលពាសកាល ឈានដល់កម្រិត(ODF+) ។

រាជធានីភ្នំពេញ ៖ រសៀលថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ នៅស្ថានទូតជប៉ុន រាជធានីភ្នំពេញ លោក ព្រំ ចាន់ថា ប្រធានមន្ទីរអភិវឌ្ឍន៍ជនបទខេត្តស្ទឹងត្រែង, លោក សួង ហ៊ី អភិបាលនៃគណ:អភិបាល ស្រុកសៀមបូក និង លោក សយ គា អនុប្រធានមន្ទីរអភិវឌ្ឍន៍ជនបទខេត្ត បានចូលរួមពិធីចុះហត្ថលេខា ជាមួយ លោក តានិណៃ អ៊ុំឈិតុម៉ុ ភារធារីស្តីទីនៃស្ថានទូតជប៉ុន ប្រចាំព្រះរាជាណាចក្រកម្ពុជា  លើជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ ដើម្បីសាងសង់ស្ពានបេតុងថ្មី ១កន្លែង ប្រវែង ២៥ ម៉ែត្រ និងទទឹង ៦ ម៉ែត្រ ស្ថិតនៅឃុំអូរម្រះ ស្រុកសៀមបូក ខេត្តស្ទឹងត្រែង ដោយប្រើប្រាស់ថវិកាចំនួន ១៦៨ ២៧៦ ដុល្លារអាមេរិក។

គម្រោងសាងសង់ស្ពានបេតុងថ្មីនេះ គឺដើម្បីជំនួសឱ្យស្ពានឈើចាស់ ដែលបានពុកផុយ រងការខូចខាត និងគ្មានសុវត្ថិភាព ដោយសារចំនួនរថយន្តធុនធ្ងន់ឆ្លងកាត់ច្រើន បណ្ដាលឱ្យមានការបាក់ស្រុត ជាហេតុបង្កឱ្យមានការលំបាកជាច្រើនដល់ប្រជាជនក្នុងមូលដ្ឋាន ក្នុងការធ្វើដំណើរឆ្លងកាត់ទៅសាលារៀន កន្លែងធ្វើការ មន្ទីរពេទ្យ ជាពិសេសការដឹកជញ្ជូនកសិផល របស់ប្រជាពលរដ្ឋទូទៅ ។

ស្ពានបេតុងថ្មីនេះ នឹងផ្ដល់សារៈសំខាន់យ៉ាងខ្លាំងសម្រាប់សកម្មភាពសេដ្ឋកិច្ច ព្រោះស្ពាននេះជាបណ្ដាញតភ្ជាប់ផ្លូវនៃតំបន់សេដ្ឋកិច្ចទី១ ដែលខេត្តស្ទឹងត្រែងបានកំណត់ ក្នុងនោះក៏បានផ្តល់អត្ថប្រយោជន៍ដល់ប្រជាជនប្រមាណ ២ ៨០០ នាក់ ក្នុងភូមិចំនួន៤ ស្ថិតនៅជុំវិញភូមិសាស្ដ្រខាងលើ តាមរយៈការបង្កលក្ខណៈងាយស្រួលដល់ការធ្វើដំណើរប្រកបដោយសុវត្ថិភាព ដើម្បីទទួលបានសេវាសាធារណៈល្អប្រសើរ ទាន់ពេលវេលា សកម្មភាពដឹកជញ្ជូនកសិផល និងសកម្មភាពសេដ្ឋកិច្ចនានា ដើម្បីបង្កើនប្រាក់ចំណូល ដែលជាការរំពឹងថានឹងជួយកែលម្អ និងលើកកម្រិតជីវភាពរស់នៅរបស់ប្រជាពលរដ្ឋ។

សូមបញ្ជាក់ថា ជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ របស់ប្រទេសជប៉ុន បានចាប់ផ្តើមនៅប្រទេសកម្ពុជានៅឆ្នាំ១៩៩១ ដើម្បីគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការអភិវឌ្ឍ និងស្ថាបនាប្រទេសឡើងវិញ៕

ខេត្តកោះកុង ៖ រសៀលថ្ងៃអង្គារ ២កើត ខែកក្តិក ឆ្នាំថោះ បញ្ចស័ក ព.ស. ២៥៦៧ ត្រូវថ្ងៃទី ១៤ ខែវិច្ឆិកា ឆ្នាំ ២០២៣ លោក សុខ ប៉ូលីន អនុប្រធានការិយាល័យផ្លូវជនបទ រួមជាមួយក្រុមការងារការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តកោះកុង បានចុះពិនិត្យការងារឈូសឆាយផ្លូវថែទាំខួប១ខ្សែ ប្រវែង ១២ ០០០ម៉ែត្រ ទទឹង៥ម៉ែត្រ កម្រាស់ ២០សង់ទីម៉ែត្រ ដែលស្ថិតនៅក្នុងភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង៕

រាជធានីភ្នំពេញ៖ នាថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ ២០២៣ ឯកឧត្តម ផូ ផារិទ្ធ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដោយមានការចូលរួមពីសំណាក់ ឯកឧត្តម ពិត ករុណា អនុរដ្ឋលេខាធិការ និងឯកឧត្តម បាន បូរ័ត្ន អគ្គនាយក នៃអគ្គនាយកដ្ឋានរដ្ឋបាល និងហិរញ្ញវត្ថុ បានអញ្ជើញដឹកនាំកិច្ចប្រជុំតាមរយៈប្រព័ន្ធនិម្មិត (zoom meeting)  ជាមួយក្រុមការងារប្រមូល និងផ្សព្វផ្សាយព័ត៌មាន របស់ក្រសួងអភិវឌ្ឍន៍ជនបទ ដែលមានការចូលរួមពីតំណាងមន្ទីរអភិវឌ្ឍន៍ជនបទទាំង២៥ រាជធានី-ខេត្ត សរុបចំនួន ៤០នាក់ ។

កិច្ចប្រជុំនេះមានគោលបំណងចង់ជំរុញការផ្សព្វផ្សាយស្តីពី សកម្មភាពចុះអនុវត្តការងារ​របស់ថ្នាក់ដឹកនាំ​គ្រប់លំដាប់ថ្នាក់​ មន្ទីរអភិវឌ្ឍន៍ជនបទគ្រប់រាជធានី ខេត្ត ក៏ដូចជាសមិទ្ធផល​ដែលក្រសួងសម្រេចបាននាពេលកន្លង​ ឱ្យមានភាពកាន់តែទូលំទូលាយ៕

រាជធានីភ្នំពេញ៖ នារសៀលថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ នៅទីស្ដីការក្រសួង ឯកឧត្តម ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំដើម្បីរៀបចំរបៀបវារ: និងខ្លឹមសារសម្រាប់កិច្ចប្រជុំបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ។
អញ្ជើញចូលរួមក្នុងកិច្ចប្រជុំនេះមាន ឯកឧត្ដមរដ្ឋលេខាធិការប្រចាំការ ឯកឧត្ដមរដ្ឋលេខាធិការ ឯកឧត្ដម លោកជំទាវ អនុរដ្ឋលេខាធិការ ឯកឧត្ដមអគ្គនាយក និងឯកឧត្ដម លោក លោកស្រីប្រធាននាយកដ្ឋាន។ជាកិច្ចចាប់ផ្ដើម ឯកឧត្ដមរដ្ឋមន្រ្ដី បានជម្រាបជូនអង្គប្រជុំពីកាលបរិច្ឆេទនៃកិច្ចបប្រជុំបូកសរុបលទ្ធផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ គ្រោងនឹងប្រព្រឹតទៅរយ:ពេល ៣ថ្ងៃ នាដើមខែធ្នូ ឆ្នាំ២០២៣ នៅទីស្ដីការក្រសួងអភិវឌ្ឍន៍ជនបទ មុននឹងរៀចំសន្និបាតរបស់ខ្លួននាពេលខាងមុខ។

កិច្ចប្រជុំនេះបានលើកយកកម្មវិធីអាទិភាពទាំង ៤ របស់ក្រសួងអភិវឌ្ឍន៍ជនបទ រួមមាន៖
១. អភិវឌ្ឍន៍ហេដ្ឋាចនាសម្ព័ន្ធ និងគមនាគមន៍ជនបទ
២. ការកែលមួលក្ខខណ្ឌនៃការរស់នៅរបស់សហគមនៅតំបន់ជន
៣. ពិពិធកម្មសកម្មភាពសេដ្ឋកិច្ចនៅតំបន់ជនបទ
៤. ពង្រឹងសេវាកិច្ចការរដ្ឋបាល និងកិច្ចការទូទៅ
និងបង្ហាញពីសមិទ្ធផលឆ្នាំ២០២៣ របស់ក្រសួងដើម្បីធ្វើការវិភាគបញ្ហារកចំណុចខ្លាំង និងចំណុចខ្សោយ ឈានទៅរៀបចំដំណើរការកិច្ចប្រជុំរយ:ពេល ៣ថ្ងៃខាងលើ ។

ក្នងឱកាសនោះ ឯកឧត្ដមរដ្ឋមន្រ្ដី បានផ្ដល់អនុសាសន៍ដល់ថ្នាក់ដឹកនាំដែលទទួលបន្ទុកតាមកម្មវិធីអាទិភាពនីមួយៗ រួមជាមួយនឹងថ្នាក់ដឹកនាំ និងមន្រ្ដីតាមនាយកដ្ឋាន ធ្វើការពិភាក្សាគ្នាឱ្យបានគ្រប់ជ្រុងជ្រោយ​ ប្រមូលធាតុចូលដើម្បីរៀបចំផែនការយុទ្ធសាស្រ្ដសម្រាប់ឆ្នាំបន្ត។

ខេត្តកំពង់ស្ពឺ៖ នាព្រឹកថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ នៅមជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ បានរៀបចំវគ្គបណ្តុះបណ្តាលស្តីពី យុទ្ធសាស្ត្រទីផ្សារ និង ខ្សែច្រវ៉ាក់ផលិតកម្មដែលធ្វើបទបង្ហាញដោយលោកនាយកមជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ ជូនដល់

សិក្ខាកាមចំនួន ២៤ នាក់ ស្រី ១១នាក់។

វគ្គបណ្ដុះបណ្ដាលនេះ មានរយៈពេល២ថ្ងៃ គឺថ្ងៃទី១៤-១៥ ខែវិច្ឆិកា ឆ្នាំ២០២៣ ដែលមានគោលបំណងអភិវឌ្ឍសមត្ថភាព និងផ្ដល់ចំណេះដឹងដល់ថ្នាក់ដឹកនាំមូលដ្ឋាន និងប្រជាពលរដ្ឋនៅតាមទីជនបទ លើជំនាញរៀបចំផែនការទីផ្សារ ខ្សែច្រវាក់ផលិតកម្ម

និងភាពជាអ្នកដឹកនាំសហគមន៍។

សូមបញ្ជាក់ថា វគ្គបណ្ដុះបណ្ដាល បានរៀបចំការស្នាក់សម្រាប់សិក្ខាកាម និងបានរៀបចំកម្មវិធីដូចជា ការហាត់ប្រាណ, ការធ្វើសមាធិផ្ចង់ស្មារតី, ការចែករំលែកចំណេះដឹង និងបទពិសោធន៍ផ្ទាល់ខ្លួន, ការបង្កើត

បណ្តាញទីផ្សារ, ការពិភាក្សាក្រុមដើម្បីចែករំលែកព័ត៌មានឱ្យគ្នាទៅវិញទៅមកអំពីយុទ្ធសាស្ត្រទីផ្សារ និងដំណោះស្រាយនានា ដែលបានកើតឡើងនៅក្នុងសហគមន៍ ព្រមទាំងមានកម្មវិធីទស្សនកិច្ចសិក្សាទៅកាន់អង្គការតុកកែញញឹមកម្ពុជា នៅក្នុងខេត្តកំពង់ឆ្នាំង ដើម្បីសិក្សាស្វែងយល់

អំពីដំណើរការ និងស្តាប់ការធ្វើបទបង្ហាញ អំពីផលិតកម្ម និងយុទ្ធសាស្ត្រទីផ្សាររបស់សហគមន៍ក្នុងអង្គការតុកកែញញឹមកម្ពុជាផងដែរ៕

រាជធានីភ្នំពេញ៖ នាព្រឹកថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ នៅទីស្ដីការក្រសួង ឯកឧត្តម ទ្រី មេង រដ្ឋលេខាធិការ និងជាអ្នកសម្របសម្រួលកម្មវិធីទី២ តំណាងដ៏ខ្ពង់ខ្ពស់ ឯកឧត្តម ឆាយ ប្ញទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានដឹកនាំកិច្ចប្រជុំបូកសរុបលទ្ធផលការងារប្រចាំខែកញ្ញា និងលើកទិសដៅការងារបន្តរបស់នាយកដ្ឋានផ្គត់ផ្គង់ទឹកជនបទ និងនាយកដ្ឋានថែទាំសុខភាពជនបទ ។

កិច្ចប្រជុំនេះមានអ្នកចូលរួមសរុបចំនួន ៩៧ នាក់ (ស្រី ៣៥ នាក់) ដោយបានផ្ដោតទៅលើរបៀបវារ:ចំនួន ៤ សំខាន់ៗសម្រាប់កិច្ចដំណើរការរបស់នាយកដ្ឋានទាំងពីរដូចខាងក្រោម៖

១-ការបង្ហាញអំពីវឌ្ឍនភាពការងារ បញ្ហាប្រឈម និងដំណោះស្រាយ

២-ការគ្រប់គ្រងការងារកិច្ចការទូទៅ

៣-ការគ្រប់គ្រងការងារបច្ចេកទេស និង

៤-បញ្ហាផ្សេងៗ៕

ខេត្តសៀមរាប៖ នៅថ្ងៃចន្ទ ១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣  ឯកឧត្តម អ៊ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញចូលរួមក្នុងពិធីបិទសិក្ខាសាលាបញ្ចប់ការអនុវត្តគម្រោង “លើកកម្ពស់ជីវភាពប្រជាជន” ហៅកាត់ថា គម្រោងលាភ ក្រោមអធិបតីភាព ឯកឧត្ដម ងី ច័ន្ទផល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្ដី រដ្ឋមន្ដ្រីក្រសួងមហាផ្ទៃ ។

សិក្ខាសាលាបិទបញ្ចប់ការអនុវត្តគម្រោងនេះ ត្រូវបានរៀបចំនៅសណ្ឋាគារសុខាល័យអង្គរ ខេត្តសៀមរាប ដោយមានសមាសភាពអញ្ជើញចូលរួមមកពី តំណាងក្រសួង ស្ថាប័ន អង្គភាពពាន់ព័ន្ធ ដៃគូអភិវឌ្ឍ ភ្នាក់ងារអនុវត្តគម្រោង អង្គការសង្គមស៊ីវិល និងមីក្រូហិរញ្ញវត្ថុ រួមទាំងប្រជាពលរដ្ឋ ដែលជាអ្នកចូលរួម និងជាអ្នកទទួលផលអំពីការអនុវត្តគម្រោងលាភ សរុបប្រមាណ ៥៥០រូប ។

គម្រោងលើកកម្ពស់ជីវភាពប្រជាជនក្រីក្រ មានរយៈពេលអនុវត្ត ៥ ឆ្នាំ ដោយបានប្រកាសដាក់ឱ្យអនុវត្តជាផ្លូវការ ចាប់ពីខែមិថុនា ឆ្នាំ២០១៧ នឹងត្រូវបិទបញ្ចប់នៅខែវិច្ឆិកា ឆ្នាំ២០២២ ដោយប្រើប្រាស់ថវិកាបដិភាគរបស់រាជរដ្ឋាភិបាល និងហរិញ្ញប្បទានកម្ចីពីធនាគារពិភពលោក (World Bank)។ ដោយសារការឆ្លងរីករាតត្បាតនៃជំងឺសកល កូវីដ ១៩ កាលពីឆ្នាំ២០២០ ដល់ ឆ្នាំ២០២១ សកម្មភាពមួយចំនួននៃគម្រោងលាភ ត្រូវផ្អាក និងមានការឯកភាពពីធនាគារពិភពលោក បានអនុញ្ញាតឱ្យអនុវត្តបន្ដរយៈពេល១ឆ្នាំបន្ថែម ដែលនឹងត្រូវបិទបញ្ចប់ជាផ្លូវការនៅថ្ងៃទី៣០ ខែវិច្ឆិកា ឆ្នាំ២០២៣ខាងមុខនេះ៕

ខេត្តសៀមរាប និងខេត្តឧត្តរមានជ័យ ៖ នាថ្ងៃចន្ទ ១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ ២០២៣ ឯកឧត្ដមបណ្ឌិត នួន ដាញ៉ិល រដ្ឋលេខាធិការ តំណាងដ៏ខ្ពង់ខ្ពស់ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយគណៈប្រតិភូអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ បានចុះត្រួតពិនិត្យ និងវាយតម្លៃលើការងារផ្លូវថែទាំខួបចំនួន ០២គម្រោង រួមមាន ៖

១. គម្រោងទី១ ៖ ការងារថែទាំខួប ផ្លូវក្រាលក្រួសក្រហម ចំនួន១ខ្សែ ប្រវែង ១២ ៣៣០ម៉ែត្រ ទទឹងខ្នងលើ ៦ម៉ែត្រ កម្រាស់ ០,២ម៉ែត្រ ស្ថិតនៅក្នុងឃុំតាយ៉ែក និងឃុំពង្រលើ ស្រុកសូត្រនិគម និងស្រុកជីក្រែង ខេត្តសៀមរាប អនុវត្តដោយមន្ទីរអភិវឌ្ឍន៍ជនបទខេត្តសៀមរាប ប្រាស់ថវិកាជំពូក ៦១។

២. គម្រោងទី២ ៖ ការថែទាំខួប ផ្លូវក្រាលក្រួសក្រហម ចំនួន២ខ្សែ ប្រវែងសរុប ១១ ៥៩០ម៉ែត្រ ទទឹង ៥ម៉ែត្រ កម្រាស់ ០,២ម៉ែត្រ និងសាងសង់លូមូលមុខមួយ មុខកាត់១ម៉ែត្រ ប្រវែង៨ម៉ែត្រ ចំនួន ០២កន្លែង និងសាងសង់លូមុខពីរ មុខកាត់១ម៉ែត្រ ប្រវែង៨ម៉ែត្រ ចំនួន១កន្លែង ស្ថិតនៅក្នុងឃុំចុងកាល់ ស្រុកចុងកាល់ ខេត្តឧត្តរមានជ័យ អនុវត្តដោយមន្ទីរអភិវឌ្ឍន៍ជនបទខេត្តឧត្តរមានជ័យ ប្រាស់ថវិកាជំពូក ៦១។

បន្ទាប់ពីបានត្រួតពិនិត្យ និងប្រជុំពិភាក្សាជាមួយអ្នកទទួលការ ព្រមទាំងអ្នកបច្ចេកទេសរួចមក គណៈកម្មការអន្តរក្រសួង បានយល់ព្រមទទួលយកការអនុវត្តបញ្ចប់ ១០០% តាមការស្នើសុំរបស់អ្នកទទួលការ។

ទន្ទឹមនឹងនេះ គណៈកម្មការអន្តរក្រសួងបានណែនាំដល់អ្នកទទួលការ ឲ្យជួយថែទាំផ្លូវនេះឲ្យបានដិតដល់ ដោយបន្ថែមក្រួសកន្លែងស្ទើរ កន្លែងស្រុត កន្លែងទឹកហូរស៊ីដាច់ជើងទេរមួយចំនួន ព្រមទាំងកិនបង្ហាប់ឱ្យបានល្អ ក្នុងអំឡុងពេលធានាសុពលភាព ដើម្បីធានាថាផ្លូវនេះអាចប្រើប្រាស់បានយូរអង្វែង បម្រើផលប្រយោជន៍ជូនប្រជាពលរដ្ឋ៕

រាជធានីភ្នំពេញ៖ នៅរសៀលថ្ងៃចន្ទ ១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣ ឯកឧត្ដមបណ្ឌិត ជ្រុន ថេរ៉ាវ៉ាត រដ្ឋលេខាធិការ និងជាប្រធានគណៈកម្មការខ្លឹមសាររៀបចំសន្និបាតឆ្នាំ២០២៣ តំណាងដ៏ខ្ពង់ខ្ពស់ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំកិច្ចប្រជុំអនុគណៈកម្មការខ្លឹមសារ សម្រាប់រៀបចំសន្និបាត២០២៣ និងទិសដៅការងារឆ្នាំ២០២៤ ដើម្បីពិនិត្យ កែសម្រួលលើរបាយការណ៍សន្និបាត និងបទបង្ហាញតាមកម្មវិធីទាំង៤ ដោយមានការអញ្ជើញចូលរួមពី ឯកឧត្ដមរដ្ឋលេខាធិការ អនុរដ្ឋលេខាធិការ ឯកឧត្ដមអគ្គនាយកទាំងពីរ ឯកឧត្ដម លោក លោកស្រីប្រធាននាយកដ្ឋាន អនុប្រធាននាយកដ្ឋាន និងក្រុមការងារទទួលបន្ទុកសរុប ១៦រូប។

ជាលទ្ធផលសម្រេចបានលើ របៀបវារៈ របាយការណ៍បូកសរុបរួម និងបញ្ចប់លើការងារបទបង្ហាញតាមកម្មវិធីទាំង៤៕