ស្វែងរក

“ការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ” នៃក្រសួងអភិវឌ្ឍន៍ជនបទ បានចុះទៅពិនិត្យពីការលើកផែនការអភិវឌ្ឍភូមិ(VDP)

ចែលរំលែក

ខេត្តប៉ៃលិន៖ ថ្ងៃចន្ទ ១៣ កើត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែធ្នូ ឆ្នាំ២០២៣ លោក យស ស៊ីមករា អនុប្រធាននាយកដ្ឋានអភិវឌ្ឍន៍សហគមន៍ និងជាមន្រ្តីសម្របសម្រួលគម្រោង ទទួលបន្ទុកខេត្តប៉ៃលិន តំណាង ឯកឧត្កម អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ និងជាប្រធានអង្គភាពអនុវត្តគម្រោង “ការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ” នៃក្រសួងអភិវឌ្ឍន៍ជនបទ បានចុះទៅពិនិត្យពីការលើកផែនការអភិវឌ្ឍភូមិ(VDP) របស់ភូមិគោលដៅទាំង ១២ភូមិ ដែលស្ថិតក្នុងសង្កាត់បរយ៉ាខា ចំនួន ០៣ភូមិ សង្កាត់អូរតាវ៉ៅ ចំនួន ០៣ភូមិ ឃុំអូរអណ្ដូង ចំនួន ០៣ភូមិ និងឃុំស្ទឹងត្រង់ ចំនួន ០៣ភូមិ។

ការចុះពិនិត្យពីការលើកផែនការអភិវឌ្ឍភូមិ(VDP)បឋមនេះ មានការចូលរួមពី មន្រ្តីសម្របសម្រួលគម្រោងថ្នាក់ខេត្ត នៃមន្ទីរអភិវឌ្ឍន៍ជនបទខេត្តប៉ៃលិន តំណាងអង្គភាពអនុវត្តគម្រោង មន្រ្តីតំណាងអភិបាលក្រុង-ស្រុក គណៈកម្មាធិការអភិវឌ្ឍន៍ភូមិ(គ.អ.ភ.) និងប្រជាពលរដ្ឋ។

ជាលទ្ធផល នៃការចុះពិនិត្យ និងសិក្សាស្វែងយល់ អស់រយៈពេល ០៣ថ្ងៃនេះ ភាគច្រើន នៃគម្រោងអភិវឌ្ឍន៍ ដែលពួកគាត់បានស្នើសុំដាក់បញ្ចូលក្នុងផែនអភិវឌ្ឍន៍ភូមិ (VDP) ពិតជាបានឆ្លើយតបទៅនឹងតម្រូវការ ក៍ដូចជាផលប្រយោជន៍រួមរបស់អ្នកភូមិពួកគាត់ពិតប្រាកដមែន តាមរយៈការស្នើសុំ សាងសង់ទំនប់បង្ហៀរ ធ្វើរបងសាលា ស្ដារស្រះសហគមន៍ ធ្វើផ្លូវប៉េតុងចូលសាលារៀន ជួសជុលផ្លូវដឹកកសិផល និងពង្រីកទំហំផ្លូវដឹកកសិផល យកទៅលក់នៅព្រំដែន។

ការចុះពិនិត្យពីការលើកផែនការអភិវឌ្ឍភូមិ(VDP) របស់ភូមិគោលដៅទាំង ១២ភូមិ បានបញ្ចប់ទៅក្រោមបរិយាកាសសប្បាយរីករាយ និងការអំណរអរគុណពីប្រជាពលរដ្ឋ ចំពោះក្រសួងអភិវឌ្ឍន៍ជនបទ ដែលបានខិតខំ សម្របសម្រួល គាំទ្រ ឲ្យភូមិរបស់ពួកគាត់ទទួលបានគម្រោងអភិវឌ្ឍន៍ ដែលឆ្លើយតបទៅនិងតម្រូវការពិតប្រាកដរបស់សហគមន៍។

ព្រឹត្តិការណ៍និងព័ត៌មានថ្មីៗ

ឯកឧត្ដម ឆាយ ឫទ្ធិសែន អញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងាររបស់គណៈកម្មការត្រួតពិនិត្យ និងវាយតម្លៃគុណភាពសាងសង់ ស្ដារឡើងវិញ កែលម្អ ជួសជុល ថែទាំ និងលើកកម្រិតផ្លូវជនបទ និងសំណង់សិល្បការ្យ (គ.ត.វ)

២២ ម៉ោងមុន ថ្ងៃទី២៧ ខែធ្នូ ២០២៤

ក្រុមការងារនាយកដ្ឋានថែទាំសុខភាពជនបទ បានចុះពិនិត្យនិងតាមដានការផ្សព្វផ្សាយសារអប់រំអនាម័យទាំងបី និង អនាម័យគិតគូរដល់អាហារូបត្ថម្ភ តាមរយៈគេហទំព័រនាយកដ្ឋានថែទាំសុខភាពជនបទ

១ ថ្ងៃមុន ថ្ងៃទី២៧ ខែធ្នូ ២០២៤

ឯកឧត្តម ប៊ុន ច័ន្ទវណ្ណៈ បានអញ្ជើញដឹកនាំគណៈកម្មការអន្តរក្រសួង ចុះត្រួតពិនិត្យ និងវាយតម្លៃ បញ្ចប់សុពលភាព លើការងារស្ថាបនាផ្លូវ ក្រាលកៅស៊ូពីរជាន់ (DBST) ១ខ្សែ នៅស្រុកស្វាយជ្រុំ ខេត្តស្វាយរៀង

១ ថ្ងៃមុន ថ្ងៃទី២៧ ខែធ្នូ ២០២៤

លោកជំទាវ លីម មុយឡេង អញ្ជើញចូលរួមកិច្ចប្រជុំត្រួតពិនិត្យចុងក្រោយលើសេចក្តីព្រាងច្បាប់មួយចំនួន ដែលរៀបចំដោយក្រសួងយុត្តិធម៌ មុននឹងត្រូវដាក់ឆ្លងកិច្ចប្រជុំពេញអង្គគណៈរដ្ឋមន្ត្រី

២ ថ្ងៃមុន ថ្ងៃទី២៦ ខែធ្នូ ២០២៤

ឯកសារនិងរបាយការណ៍ថ្មីៗ