![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 7 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្តម ទ្រី មេង ដឹកនាំគណៈកម្មការអន្តរក្រសួង បានចុះពិនិត្យ និងវាយតម្លៃលើការងារជួសជុលផ្លូវលក្ខណៈថែតាំជាលក្ខណៈខួប ផ្លូវក្រាលល្បាយក្រួស ០២ខ្សែ នៅខេត្តត្បូងឃ្មុំ
- ថ្ងៃទី២១ ខែធ្នូ ឆ្នាំ២០២៣ ម៉ោង ២:៣០ ល្ងាច
- សកម្មភាពក្រសួង
![ឯកឧត្តម ទ្រី មេង ដឹកនាំគណៈកម្មការអន្តរក្រសួង បានចុះពិនិត្យ និងវាយតម្លៃលើការងារជួសជុលផ្លូវលក្ខណៈថែតាំជាលក្ខណៈខួប ផ្លូវក្រាលល្បាយក្រួស ០២ខ្សែ នៅខេត្តត្បូងឃ្មុំ 2 photo 2023 12 19 16 43 12](https://www.mrd.gov.kh/wp-content/uploads/2023/12/photo_2023-12-19_16-43-12.jpg)
ខេត្តត្បូងឃ្មុំ៖ កាលពីថ្ងៃអង្គារ ៧កើត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែធ្នូ ឆ្នាំ២០២៣ ឯកឧត្តម ទ្រី មេង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដឹកនាំគណៈកម្មការអន្តរក្រសួង រួមមាន៖ ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ និងមានការអញ្ចើញចូលរួមអមដំណើរដោយ លោក អាន ស៊ីណា ប្រធានមន្ទីរ និងក្រុមការងារបច្ចេកទេសផ្លូវជនបទរបស់មន្ទីរអភិវឌ្ឍន៍ជនបទខេត្តត្បូងឃ្មុំ បានចុះពិនិត្យ និងវាយតម្លៃលើការងារជួសជុលផ្លូវលក្ខណៈថែទាំជាលក្ខណៈខួប ផ្លូវក្រាលល្បាយក្រួស ០២ខ្សែ ប្រវែងសរុប ១៤ ០០០ម៉ែត្រ ទទឹងខ្នងលើ ៥ ម៉ែត្រ ស្ថិតក្នុងឃុំព្រែកអាជី ឃុំគគីរ និងឃុំមេមង ស្រុកក្រូចឆ្មា និងស្រុកមេមត់ ដែលបានអនុវត្តដោយមន្ទីរអភិវឌ្ឍន៍ជនបទខេត្តត្បូងឃ្មុំ ដោយប្រើប្រាស់ថវិកាជាតិ តាមរយៈក្រសួងអភិឌ្ឍន៍ជនបទ។
ជាលទ្ធផលបន្ទាប់ពីក្រុមការងារបានចុះត្រួតពិនិត្យ និងវាយតម្លៃផ្នែកបច្ចេកទេសរួចរាល់ គណៈកម្មការត្រួតពិនិត្យ បានឯកភាពទទួល យកលទ្ធផលការអនុវត្តការងាររបស់មន្ទីរអភិវឌ្ឍន៍ជនបទ ខេត្តត្បូងឃ្មុំ ដោយសម្រេចបាន ១០០% និងស្របតាមបញ្ជីប៉ាន់តម្លៃ និងបទដ្ឋានបច្ចេកទេស ដែលអាចទទួលយកបាន។
ឯកឧត្ដមរដ្ឋលេខាធិការ បានផ្ដល់ជាអនុសាសន៍ណែនាំ ដល់មន្ទីរឱ្យខិតខំថែរក្សាផ្លូវ និងណែនាំប្រជាពលរដ្ឋកុំឱ្យដឹកលើសទម្ងន់កំណត់ កុំចាក់ដីខ្ពស់ជាងផ្លូវ ជាពិសេសចូលរួមគោរពច្បាប់ចរាចរផ្លូវគោកទាំងអស់គ្នា។