ឯកឧត្តមបណ្ឌិត សៅ​ ជីវ័ន្ត​ រដ្ឋលេខាធិការ​​ និងជា​ប្រធានក្រុមការងារ​បច្ចេកវិទ្យានិងរដ្ឋាភិបាលឌីជីថល​ នៃក្រសួងអភិវឌ្ឍន៍ជនបទ​ បានដឹកនាំកិច្ចប្រជុំពិភាក្សាលើអនុស្សារណ:នៃការយោគយល់គ្នា​ស្តីពី​ កិច្ចសហប្រតិបត្តិការដាក់ឲ្យប្រើថ្នាលផ្ទៀតផ្ទាត់ឯកសារ​ verify.gov.kh រវាង​ក្រសួងប្រៃសណីយ៍​និងទូរគមនាគមន៍​ និងក្រសួងអភិវឌ្ឍន៍ជនបទ

រាជធានីភ្នំពេញ​៖ នាព្រឹកថ្ងៃសុក្រ ១១រោច ខែកត្តិក ឆ្នាំថោះ បញ្ចស័ក ពុទ្ធសការាជ ២៥៦៧ ត្រូវនឹងថ្ងៃទី៨ ខែធ្នូ ឆ្នាំ២០២៣ ឯកឧត្តមបណ្ឌិត សៅ​ ជីវ័ន្ត​ រដ្ឋលេខាធិការ​​ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ​ និងជា​ប្រធានក្រុមការងារ​បច្ចេកវិទ្យានិងរដ្ឋាភិបាលឌីជីថល​ នៃក្រសួងអភិវឌ្ឍន៍ជនបទ​ តំណាងដ៏ខ្ពង់ខ្ពស់​ បានដឹកនាំកិច្ចប្រជុំពិភាក្សាលើអនុស្សារណ:នៃការយោគយល់គ្នា​ស្តីពី​ កិច្ចសហប្រតិបត្តិការដាក់ឲ្យប្រើថ្នាលផ្ទៀតផ្ទាត់ឯកសារ​ verify.gov.kh រវាង​ក្រសួងប្រៃសណីយ៍​និងទូរគមនាគមន៍​ និងក្រសួងអភិវឌ្ឍន៍ជនបទ។​

កិច្ចប្រជុំពិភាក្សានេះមានការចូលរួមពី ឯកឧត្តម ម៉ៅ​ សិលា អនុរដ្ឋលេខាធិការ​​​​ ក្រសួងប្រៃសណីយ៍ និងទូរគមនាគមន៍ ឯកឧត្តម​ បាន​ បូរ័ត្ន​ អគ្គនាយករដ្ឋបាល និងហិរញ្ញវត្ថុ​​ លោក ម៉ឹង សុខវិសាល​ ទីប្រឹក្សាក្រសួង​ លោក​​ អេវ​ សម្បត្តិ​ ​អគ្គាធិការរង​ ថ្នាក់ដឹកនាំនិងមន្រ្តីជំនាញនៃនាយកដ្ឋានផែនការនិងទំនាក់ទំនងសាធារណ: រួមជាមួយ​​​ប្រតិភូក្រសួងប្រៃសណីយ៍ និងទូរគមនាគមន៍​និងមន្រ្តីតំណាងគណៈកម្មាធិការរដ្ឋាភិបាលឌីជីថល​ (គ.រ.ឌ.) សរុបចំនួន​ ១៤រូប។

អង្គប្រជុំបានពិភាក្សាលើខ្លឹមសារ​​នៃអនុស្សារណ:នៃការយោគយល់គ្នា​រវាងក្រសួងទាំងពីរ ដែលក្នុងនោះមានរួមបញ្ចូលនូវប្រធានបទសំខាន់ៗ​ចំនួន០៥ ដូចខាងក្រោម៖

១. ការដាក់ឲ្យប្រើប្រាស់ថ្នាលផ្ទៀងផ្ទាត់ឯកសារ​ verify.gov.kh ហៅកាត់ថា​ “ឯកសារ”

២. ការរៀបចំហេដ្ឋារចនាសម្ព័ន្ធ​ និងតភ្ជាប់អ៉ីនធឺណេត សម្រាប់ក្រសួងអភិវឌ្ឍន៍ជនបទ

៣. ការរៀបចំវគ្គបណ្តុះបណ្តាលជំនាញឌីជីថលជូនមន្រ្តីរាជការ​ ក្រសួងអភិវឌ្ឍន៍ជនបទ

៤. ការគាំទ្រធនធាន បច្ចេកទេស និងថវិកា សម្រាប់កិច្ចការងារបន្តនិងគំនិតផ្តួចផ្តើមផ្សេងៗ របស់ក្រុមការងារ​បច្ចេកវិទ្យានិងរដ្ឋាភិបាលឌីជីថល​

៥. គម្រោងនៃការបន្តដាក់ឲ្យប្រើប្រាស់ថ្នាល​ ឬសេវារដ្ឋាភិបាលឌីជីថល​ផ្សេងៗទៀត ស្របតាមគោលនយោបាយរដ្ឋាភិបាលឌីជីថល ២០២២-២០៣៥។