ផ្លូវក្រាលល្បាយក្រួស ចំនួន២កំណាត់ ប្រវែងសរុប ៤ ០០០ម៉ែត្រ ស្ថិតពីកែងផ្លូវ ៧១C ទៅភូមិត្រពាំងប្រលិត ឃុំរកាពប្រាំ ស្រុកត្បូងឃ្មុំ ត្រូវបានជួសជុលបន្ទាន់ដោយមន្ទីរអភិវឌ្ឍន៍ជនបទខេត្តត្បូងឃ្មុំ

ខេត្តត្បូងឃ្មុំ៖ នាថ្ងៃសៅរ៍ ៥រោច ខែកត្ដិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២ ខែធ្នូ ឆ្នាំ២០២៣ លោក ជៀស តេង ប្រធានការិយាល័យ និងក្រុមការងារបច្ចេកទេសការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តត្បូងឃ្មុំ បានចុះអមដំណើរក្រុមការងារនាយដ្ឋានផ្លូវលំជនបទ ដឹកនាំដោយលោក អ៊ឹង ឌីម៉ង់ អនុប្រធាននាយកដ្ឋានផ្លូវលំជនបទ ចុះត្រួតពិនិត្យ និងវាយតម្លៃលទ្ធផលការងារជួសជុលបន្ទាន់ផ្លូវក្រាលល្បាយក្រួស ចំនួន២កំណាត់ ប្រវែងសរុប ៤ ០០០ម៉ែត្រ ទទឹងខ្នងលើ ៧ម៉ែត្រ ស្ថិតពីកែងផ្លូវ ៧១C ទៅភូមិត្រពាំងប្រលិត ឃុំរកាពប្រាំ ស្រុកត្បូងឃ្មុំ អនុវត្តដោយមន្ទីរអភិវឌ្ឍន៍ជនបទខេត្តត្បូងឃ្មុំ។

បន្ទាប់ពីបានចុះត្រួតពិនិត្យជាក់ស្តែងរួចមក ក្រុមការងារបានឯកភាពទទួល យកលទ្ធផលការអនុវត្តការងាររបស់មន្ទីរអភិវឌ្ឍន៍ជនបទខេត្តត្បូងឃ្មុំ ដោយបានសម្រេច ១០០% ស្របតាមបញ្ជីប៉ាន់តម្លៃ និងបទដ្ឋានបច្ចេកទេស។

ជាមួយនេះដែរក្រុមការងារបានសំណូមពរដល់មន្ទីរបន្តអនុវត្តការងារស្របតាមបទដ្ឋានបច្ចេកទេសបន្តទៀត ដើម្បីរក្សាបានភាពយូរអង្វែងសម្រាប់ការប្រើប្រាស់ផ្លូវជនបទ៕