![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 9 2 17](https://www.mrd.gov.kh/wp-content/uploads/2024/08/2-17-150x150.jpg)
នាយកដ្ឋានអភិវឌ្ឍន៍សេដ្ឋកិច្ចជនបទ រៀបចំសិក្ខាសាលាផ្សព្វផ្សាយស្ដីពីសមិទ្ធផលគម្រោងពិពិធកម្មសេដ្ឋកិច្ចជនបទសម្រាប់កសិករដែលមានចំណូលទាប ក្រោមមូលនិធិពិសេសកិច្ចសហប្រតិបត្តិការមេគង្គ-ឡានឆាង ដែលបានអនុវត្តនៅស្រុកគិរីវង់ ខេត្តតាកែវ
- ថ្ងៃទី២៤ ខែវិច្ឆិកា ឆ្នាំ២០២៣ ម៉ោង ៨:០០ ព្រឹក
- សកម្មភាពក្រសួង
![នាយកដ្ឋានអភិវឌ្ឍន៍សេដ្ឋកិច្ចជនបទ រៀបចំសិក្ខាសាលាផ្សព្វផ្សាយស្ដីពីសមិទ្ធផលគម្រោងពិពិធកម្មសេដ្ឋកិច្ចជនបទសម្រាប់កសិករដែលមានចំណូលទាប ក្រោមមូលនិធិពិសេសកិច្ចសហប្រតិបត្តិការមេគង្គ-ឡានឆាង ដែលបានអនុវត្តនៅស្រុកគិរីវង់ ខេត្តតាកែវ 2 photo 2023 11 23 22 42 07](https://www.mrd.gov.kh/wp-content/uploads/2023/11/photo_2023-11-23_22-42-07-1000x750.jpg)
ខេត្តមណ្ឌលគិរី៖ កាលពីថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ នាយកដ្ឋានអភិវឌ្ឍន៍សេដ្ឋកិច្ចជនបទបានរៀបចំសិក្ខាសាលាផ្សព្វផ្សាយស្ដីពីសមិទ្ធផលគម្រោងពិពិធកម្មសេដ្ឋកិច្ចជនបទសម្រាប់កសិករដែលមានចំណូលទាប ក្រោមមូលនិធិពិសេសកិច្ចសហប្រតិបត្តិការមេគង្គ-ឡានឆាង ដែលបានអនុវត្តនៅស្រុកគិរីវង់ ខេត្តតាកែវ។
សិក្ខាសាលានេះបានដំណើរការ និងប្រព្រឹត្តទៅរយៈពេល ០១ថ្ងៃ នៅ KN&N Resort ខេត្តមណ្ឌលគិរី ក្រោមអធិបតីភាពឯកឧត្ដម ហាប់ អូម៉ាលី រដ្ឋលេខាធិការ និងជាអ្នកសម្របសម្រួលគម្រោង តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដោយមានការចូលរួមពី លោកនាយកគម្រោង លោកប្រធានគម្រោង មន្រ្តីអនុវត្តគម្រោង មន្ត្រីនាយកដ្ឋាន និងលោក-លោកស្រី អញ្ជើញមកពីមន្ទីរអភិវឌ្ឍន៍ជនបទរាជធានី-ខេត្ត ទាំង២៥ ដែលមានសិក្ខាកាមសរុបចំនួន៨៧នាក់។
គោលបំណង នៃសិក្ខាសាលានេះជាការចែករំលែកបទពិសោធន៍នៃការអនុវត្តសម្មភាពការងារ និងសមិទ្ធផលផ្សេងៗរបស់គម្រោងដែលបានអនុវត្តកន្លងមកតាមរយៈគម្រោងនេះដែលជួយធ្វើឱ្យប្រសើរឡើងនូវស្ថានភាពសុខភាព និងសន្តិសុខស្បៀង ការបង្កើតសកម្មភាពរួម និងកិច្ចសហប្រតិបត្តិការទៅវិញទៅមកក្នុងចំណោមកសិករ និងអ្នកពាក់ព័ន្ធ ដើម្បីបង្កើនប្រាក់ចំណូល សន្សំដើមទុន ព្រមជាមួយការធ្វើឱ្យប្រសើរឡើងនូវការគ្រប់គ្រងធនធានធម្មជាតិ និងបរិស្ថាន៕