![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 8 2 17](https://www.mrd.gov.kh/wp-content/uploads/2024/08/2-17-150x150.jpg)
លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទខេត្តព្រៃវែង ដឹកនាំមន្រ្តីបច្ចេកទេស ចុះពិនិត្យមើលខ្សែផ្លូវប្រវែង ២៣ គ.ម ដែលគ្រឿងចក្រ កំពុងអនុវត្តឈូសឆាយសម្រួលការធ្វើដំណើរ
- ថ្ងៃទី២ ខែវិច្ឆិកា ឆ្នាំ២០២៣ ម៉ោង ៤:៣០ ល្ងាច
- សកម្មភាពក្រសួង
![លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទខេត្តព្រៃវែង ដឹកនាំមន្រ្តីបច្ចេកទេស ចុះពិនិត្យមើលខ្សែផ្លូវប្រវែង ២៣ គ.ម ដែលគ្រឿងចក្រ កំពុងអនុវត្តឈូសឆាយសម្រួលការធ្វើដំណើរ 2 photo 2023 11 01 19 45 21](https://www.mrd.gov.kh/wp-content/uploads/2023/11/photo_2023-11-01_19-45-21-1000x750.jpg)
ខេត្តព្រៃវែង៖ នាព្រឹកថ្ងៃពុធ ៣រោច ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០១ ខែវិច្ឆិកា ឆ្នាំ២០២៣ លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទខេត្តព្រៃវែង បានដឹកនាំមន្រ្តីបច្ចេកទេស ចុះពិនិត្យមើលខ្សែផ្លូវពីភូមិព្រៃពោធិ ឃុំរំលេច ទៅដល់ភូមិព្រៃស្វា ឃុំជ្រៃឃ្មុំ ស្រុកស៊ីធរកណ្ដាល ដែលគ្រឿងចក្រ កំពុងអនុវត្តឈូសឆាយសម្រួលការធ្វើដំណើរ ជូនប្រជាពលរដ្ឋ មានប្រវែង សរុប ២៣ គ.ម ឆ្លងកាត់ ឃុំ ៤ គឺឃុំរំលេច ឃុំព្នៅទី១ ឃុំព្នៅទី២ និងឃុំជ្រៃឃ្មុំ។ ក្នុងនោះដែរកំណាត់ផ្លូវប្រវែង ៨ គ.ម ត្រូវបានជួសជុលបន្ទាន់ ដោយនាយកដ្ឋានផ្លូវលំជនបទ នៃក្រសួងអភិវឌ្ឍន៍ជនបទ និងកំណាត់ផ្លូវ ១៥ គ.ម ទៀតជួសជុលដោយមន្ទីរអភិវឌ្ឍន៍ជនបទខេត្ត ហើយបច្ចុប្បន្នសម្រេចបានលទ្ធផល ៨ គ.ម។
សូមបញ្ជាក់ថា ការជួសជុលបន្ទាន់ខ្សែផ្លូវដែលមានស្ថានភាពខូចខាតដោយសារ ទឹកភ្លៀង ផ្លូវនេះ បន្ទាប់ពីបានទទួលការផ្ដល់អនុសាសន៍ណែនាំរបស់ ឯកឧត្ដម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ ក្នុងឱកាស ឯកឧត្តមរដ្ឋមន្ដ្រី អញ្ជើញចុះពិនិត្យជាក់ស្តែងនាពេលកន្លងមក ឃើញថាមានការខូចខាតខ្លាំង ដែលតម្រូវឱ្យមន្ទីរអភិវឌ្ឍន៍ជនបទខេត្ត ដាក់គ្រឿងចក្រឈូសឆាយជួសជុល ជាប្រញាប់ដើម្បីសម្រួលចរាចរក្នុងធ្វើដំណើរជូនប្រជាពលរដ្ឋ៕