អនុប្រធានមន្ទីរអភិវឌ្ឍន៍ជនបទខេត្តត្បូងឃ្មុំ ចូលរួមក្នុងវគ្គបណ្ដុះបណ្ដាលគ្រូបង្គោល​ស្ដីពី ការអប់រំអនាម័យស្រ្ដី​ និងកុមារីនៅពេលមានរដូវ

ខេត្តត្បូងឃ្មុំ​ ៖ ថ្ងៃអង្គា​​​រ​​ ៣កើត ខែអស្សុជ​ ឆ្នាំថោះ បញ្ចស័ក​ ព.ស.២៥៦៧​ ត្រូវនឹងថ្ងៃទី១៧​ ខែតុលា​ ឆ្នាំ២០២៣ នៅសាលាឃុំមៀន​ ស្រុកអូររាំងឪ លោក ស៊ុន យ៉ាន់​ អនុប្រធានមន្ទីរអភិវឌ្ឍន៍ជនបទខេត្ត និងលោក ណាំ វណ្ណារិ​ ប្រធានការិយាល័យថែទាំសុខភាពជនបទ បានចូលរួមវគ្គបណ្ដុះបណ្ដាលគ្រូបង្គោល​ស្ដីពីការអប់រំអនាម័យស្រ្ដី​ និងកុមារីនៅពេលមានរដូវ ចំនួន ០២ថ្ងៃ​ ដោយមានខ្លឹមសារបណ្តុះបណ្តាលលើការងារផ្គត់ផ្គង់ទឹកស្អាត​និងអនាម័យ​ ភាពធន់​នឹងអាកាសធាតុប្រកបដោយបរិយាបន្ន​ និងការមិនបង្កទំនាស់ក្នុងគម្រោង។

វគ្គបណ្ដុះបណ្ដាលនេះរៀបចំដោយអង្គការអុីសមីតវេសត៍​​​​ East Meets West​ (EMW)​ និងមានការចូលរួមពីសំណាក់ លោក​ អភិបាលរងស្រុកអូររាំងឪ​ តំណាងអង្គការអុីសមីតវេសត៍​ East Meets West (EMW) ​អ្នកស្ម័គ្រចិត្ត និងជនបង្គោលឃុំមៀន​និងឃុំអំពិលតាពក សរុបចំនួន ១៨នាក់។

បន្ទាប់ពីបានបញ្ចប់វគ្គបណ្តុះបណ្តាល​នេះរួចមក សិក្ខាកាមនិងក្រុមការងារ បានបន្តចុះទៅផ្សព្វផ្សាយ និងធ្វើការណែនាំ អប់រំដល់ប្រជាពលរដ្ឋ​ ជាពិសេសស្រី និងកុមារី នៅក្នុងភូមិថ្មសំលៀង ឃុំមៀន ដែលមានអ្នកចូលរួមសរុប​ ២៥នាក់៕