![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 7 2 17](https://www.mrd.gov.kh/wp-content/uploads/2024/08/2-17-150x150.jpg)
ការបោះឆ្នោតជ្រើសរើសគណៈកម្មការតំណាងសហគមន៍ជនជាតិដើមភាគតិចកួយ នៅភូមិវាលវែង ឃុំឈូក ស្រុកប្រាសាទសំបូរ ខេត្តកំពង់ធំ
- ថ្ងៃទី២៤ ខែកញ្ញា ឆ្នាំ២០២៣ ម៉ោង ៥:៥២ ល្ងាច
- សកម្មភាពក្រសួង
![ការបោះឆ្នោតជ្រើសរើសគណៈកម្មការតំណាងសហគមន៍ជនជាតិដើមភាគតិចកួយ នៅភូមិវាលវែង ឃុំឈូក ស្រុកប្រាសាទសំបូរ ខេត្តកំពង់ធំ 2 photo 2023 09 23 17 14 38](https://www.mrd.gov.kh/wp-content/uploads/2023/09/photo_2023-09-23_17-14-38-1000x750.jpg)
ខេត្តកំពង់ធំ៖ នាព្រឹកថ្ងៃសៅរ៍ ៩កើត ខែភទ្របទ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៣ ខែកញ្ញា ឆ្នាំ២០២៣ ក្រុមការងារបច្ចេកទេសការិយាល័យអភិវឌ្ឍន៍ជនជាតិភាគតិច នៃមន្ទីរអភិវឌ្ឍន៍ជនបទខេត្តកំពង់ធំ ដោយមានការចូលរួមពី លោក ហ៊ុយ គឹមលី មេឃុំឈូក បានទំនាក់ទំនងជាមួយអាជ្ញាធរ ភូមិ រៀបចំបង្កើតសហគមន៍ជនជាតិដើមភាគតិចកួយ និងបោះឆ្នោតជ្រើសរើសគណៈកម្មការតំណាងសហគមន៍ជនជាតិដើមភាគតិចកួយ ចំនួន ១១រូប ដែលបានរៀបចំនៅភូមិ វាលវែង ឃុំឈូក ស្រុកប្រាសាទសំបូរ ខេត្តកំពង់ធំ។
អង្គប្រជុំប្រព្រឹត្ត ទៅដោយមានការចូលរួមពី ប្រធាន អនុប្រធានការិយាល័យអភិវឌ្ឍន៍ជនជាតិភាគតិច នៃមន្ទីរអភិវឌ្ឍន៍ជនបទខេត្តកំពង់ធំ ក្រុមប្រឹក្សាឃុំឈូក មេភូមិ និងបងប្អូនប្រជាពលរដ្ឋជនជាតិដើមភាគតិចកួយ សរុបចំនួន ១៤៧ នាក់ ស្រី ៨៧នាក់ ។
កិច្ចប្រជុំបានដំណើរការយ៉ាងល្អ ដោយមានការជ្រើសរើសអ្នកស្ម័គ្រចិត្តឈរឈ្មោះជាបេក្ខជន និងការបោះឆ្នោតជ្រើសរើសសមាសភាពគណៈកម្មការ ដោយសម្រេចបានលទ្ធផលដូចខាងក្រោម៖
១. មានបេក្ខជនស្ម័គ្រចិត្ត ឈរឈ្មោះបោះឆ្នោតសរុបចំនួន ១៨ រូប ស្រី៨រូប
២. បេក្ខជនជាប់ឆ្នោតជាគណៈកម្មការសហគមន៍ជនជាតិដើមភាគតិចកួយមានចំនួន១១ រូប ស្រី ៤រូប ក្នុងនោះរួមមាន ប្រធាន ១ រូប អនុប្រធាន២រូប (ស្រី១រូប) លេខាធិការ ១ រូប បេឡាករ ១រូប និងសមាជិកចំនួន ៦រូប
៣. សមាជិកបម្រុង ចំនួន ០២ រូប (ស្រី១រូប) និងមានទីប្រឹក្សា ចំនួន ០២ រូប៕