![ក្រុមការងារត្រួតពិនិត្យ វាយតម្លៃ ផ្ទៀងផ្ទាត់បញ្ចប់ODF ថ្នាក់ជាតិ រៀបចំកិច្ចប្រជុំដើម្បីជ្រើសរើសសំណាក និងធ្វើការចុះផ្ទៀងផ្ទាត់ ODF ខេត្តរតនគិរី 8 photo 2024 07 17 21 52 30](https://www.mrd.gov.kh/wp-content/uploads/2024/07/photo_2024-07-17_21-52-30-150x150.jpg)
ឯកឧត្តម នួន ពេជ្រនិមិត្ត រដ្ឋលេខាធិការ និងជាអ្នកសម្របសម្រួលគម្រោង កម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាពជំហានទី ៤ គាំទ្រដោយធនាគារអភិវឌ្ឍន៍អាស៊ី (ADB)
- ថ្ងៃទី១៦ ខែកញ្ញា ឆ្នាំ២០២៣ ម៉ោង ៥:០៩ ល្ងាច
- សកម្មភាពក្រសួង
![ឯកឧត្តម នួន ពេជ្រនិមិត្ត រដ្ឋលេខាធិការ និងជាអ្នកសម្របសម្រួលគម្រោង កម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាពជំហានទី ៤ គាំទ្រដោយធនាគារអភិវឌ្ឍន៍អាស៊ី (ADB) 2 photo 2023 09 15 17 47 05](https://www.mrd.gov.kh/wp-content/uploads/2023/09/photo_2023-09-15_17-47-05-1000x753.jpg)
រាជធានីភ្នំពេញ៖ នារសៀលថ្ងៃសុក្រ ១កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៥ ខែកញ្ញា ឆ្នាំ២០២៣ នៅទីស្ដីការក្រសួង ឯកឧត្តម នួន ពេជ្រនិមិត្ត រដ្ឋលេខាធិការ និងជាអ្នកសម្របសម្រួលគម្រោង កម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាពជំហានទី ៤ គាំទ្រដោយធនាគារអភិវឌ្ឍន៍អាស៊ី (ADB) តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានដឹកនាំកិច្ចប្រជុំបូកសរុប និងឆ្លុះបញ្ចាំងលទ្ធផល នៃអង្គសិក្ខាសាលាស្ដីពី ការបញ្ចប់ការសិក្សារៀបចំគម្រោង បន្ទាប់ពីបានរៀបចំកាលពីថ្ងៃទី ១៣-១៤ ខែកញ្ញា ឆ្នាំ ២០២៣ កន្លងទៅ ជាមួយក្រុមបេសកកម្មរបស់ធនាគារអភិវឌ្ឍន៍អាស៊ី ដឹកនាំដោយលោកស្រី Siti Hasanah ប្រធានក្រុមបេសកកម្ម គម្រោងកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទ ប្រកបដោយនិរន្តរភាពជំហានទី ៤ ។
កិច្ចប្រជុំពិភាក្សានេះ គឺបានផ្ដោតទៅលើបញ្ហាចម្បងមួយចំនួន រួមមាន ៖ ការរចនាគម្រោង , ការគ្រប់គ្រងហិរញ្ញវត្ថុ , ការគាំទ្រផ្នែកគោលនយោបាយ និងសុវត្ថិភាពសង្គម យេនឌ័រ និងភាពក្រីក្រ ដែលមានអ្នកចូលរួម ២៩ នាក់(ស្រ្តី ១២ នាក់)៕