ឯកឧត្តម ស្រុិន​ ពុទ្ធី​ ទីប្រឹក្សាក្រសួង និងជាប្រធាននាយកដ្ឋានផ្គត់ផ្គង់ទឹកជនបទ​ នៃក្រសួងអភិវឌ្ឍន៍ជនបទ បានដឹកនាំមន្រ្តីជំនាញ ជួបប្រជុំពិភាក្សាការងារជាមួយលោកស្រី Misa Furuto  តំណាងក្រុមហ៊ុន SARAYA មកពីប្រទេសជប៉ុន

ទីស្តីការក្រសួង៖ នារសៀលថ្ងៃព្រហស្បតិ៍ ៧រោច ខែស្រាពណ៍  ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី​៧ ខែកញ្ញា ឆ្នាំ​២០២៣ ឯកឧត្តម ស្រុិន​ ពុទ្ធី​ ទីប្រឹក្សាក្រសួង និងជាប្រធាននាយកដ្ឋានផ្គត់ផ្គង់ទឹកជនបទ​ នៃក្រសួងអភិវឌ្ឍន៍ជនបទ បានដឹកនាំមន្រ្តីជំនាញ ជួបប្រជុំពិភាក្សាការងារជាមួយលោកស្រី Misa Furuto  តំណាងក្រុមហ៊ុន SARAYA មកពីប្រទេសជប៉ុន លើប្រធានបទចំនួន ០៤ គឺ

១. ការធ្វើបច្ចប្បន្នភាពពីគម្រោងអាសេនិក

២. ការធ្វើកិច្ចសហការដើម្បីពង្រីកគម្រោង”លុបបំបាត់ការផឹកទឹកមានសារធាតុពុលអាសេនិក និងឆ្ពោះទៅរកការប្រកាសប្រទេសកម្ពុជាឈប់ផឹកទឹកមានសារធាតុពុលអាសេនិច”

៣. ការកែលម្អ និងធ្វើឲ្យប្រសើរឡើងនូវប្រព័ន្ធចែកចាយទឹកតាមបណ្ដាញបំពង់ខ្នាតតូចសហគមន៍

៤. ការរៀបចំធ្វើកិច្ចព្រមព្រៀងសហប្រតិបត្តិការរវាងក្រុមហ៊ុន និងនាយកដ្ឋានផ្គត់ផ្គង់ទឹកជនបទ។