March 3, 2018 Sovannaroth TON0

ព្រឹកថ្ងៃសៅរ៍ ២រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី០៣ ខែមីនា ឆ្នាំ២០១៨ ឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ និងជាប្រធានក្រុមការងារថ្នាក់ជាតិចុះមូលដ្ឋានជួយខេត្តកំពង់ឆ្នាំង បានអញ្ជើញជាអធិបតីក្នុងពិធីសម្ពោធអគារសិក្សា ១ ខ្នង មាន ៣ បន្ទប់ដែលជាអំណោយរបស់ ក្រុមហ៊ុន Fujiplan របស់ជប៉ុន នៅសាលាបឋមសិក្សាត្រពាំងអញ្ចាញ ភូមិត្រពាំងអញ្ចាញ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។



March 2, 2018 Sovannaroth TON0

ព្រឹកថ្ងៃសុក្រ ១រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី ០២​ ខែមីនា ឆ្នាំ២០១៨ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ដ្រីក្រសួងអភិវឌ្ឍន៍ជនបទ បានអញ្ជើញពិនិត្យការដ្ឋានស្ថាបនាស្ពានបេតុង ១ កន្លែងប្រវែង ៤៥ ម៉ែត្រ និងផ្លូវនៅខេត្តកោះកុង ក្នុងតំបន់អារែង​ មានប្រវែងស រុប​ ៣៦ គីឡូម៉ែត្រ ជាគម្រោងពហុឆ្នាំ​ របស់ក្រសួងអភិវឌ្ឍន៍ជនបទ ។
ឆ្នាំ២០១៧​ ស្ថាបនាផ្លូវក្រាលក្រួសក្រហម បានប្រវែង​ ១៨ គីឡូម៉ែត្រ និងស្ពានបេតុ​ង ១កន្លែង​ប្រវែង​ ១៨ ម៉ែត្រ ស្ថិតក្នុងក្នុងឃុំឬស្សី្រជុំ​ និងឃុំជំនាប់​ ស្រុកថ្មបាំង​ ខេត្តកោះកុង។ ឆ្នាំ២០១៨​ ក្រសួងស្ថាបនាស្ពានបេងតុង ១ កន្លែងប្រវែង​ ៤៥ ម៉ែត្រ សាងសង់លូប្រអប់ ៨ កន្លែង លូមូល២១ កន្លែង នៅលើកំណាត់ផ្លូវ ចាប់ផ្ដើមពីភូមិ ឈើគ្រា​ ដល់ភូមិអារ៉ែង​ ស្ថិតក្នុងឃុំឬស្សីជ្រុំ​ និងឃុំជំនាប់ ខេត្តកោះកុង ។ ជាមួយនេះ ក៏បានអញ្ជើញសួរសុខទុក្ខកងវិស្វកម្មកងទ័ពជើងគោកនៅការដ្ឋានអូរទឹកនឹងភូមិជំនាប់ឃុំជំនាប់ស្រុកថ្មបាំងផងដែរ។



March 2, 2018 Sovannaroth TON0

នៅព្រឹកថ្ងៃសុក្រ​ ១រោច ខែផល្គុន​ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២​ ខែមីនា​ ឆ្នាំ២០១៨​ មន្ទីរអភិវឌ្ឍន៍ជនបទខេត្តពោធិ៍សាត់ បានបើកកិច្ចប្រជុំស្តីពី​ ការពង្រឹងការងារគ្រប់គ្រងរដ្ឋបាលនិងបុគ្គលិក​ ក្រោមអធិបតីភាព លោក​ លាភ​ សំណាង​ ប្រធាននាយកដ្ឋានរដ្ឋបាល​ និងបុគ្គលិក និងមានការចូលរួមពី លោកប្រធានមន្ទីរ​ លោកអនុប្រធានមន្ទីរ លោក-លោកស្រី ប្រធាន-អនុប្រធាន ការិយាល័យ​ និងមន្ត្រីក្រោមឱវាទនៃមន្ទីរអភិវឌ្ឍន៍ជនបទខេត្តពោធិ៍សាត់​ សរុប​ ៤១នាក់​ ស្ត្រី១០នាក់។



March 1, 2018 Sovannaroth TON0

នៅថ្ងៃព្រហស្បតិ៍ ១៥កើត ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០១ ខែមីនា ឆ្នាំ២០១៨ នាយកដ្ឋានផ្លូវលំជនបទ បានរៀបចំទស្សនកិច្ចកម្មសិក្សាជំហានទី១ ដល់មន្រ្តីក្របខ័ណ្ឌថ្មី (២០១៦-២០១៨) នៅខេត្តបាត់ដំបង ស្តីពីការរៀបចំគ្រោងប្លង់ និងដំណើរការ នៃការស្ថាបនា ថែទាំ និងជួសជុលហេដ្ឋារចនាសម័្ពន្ធផ្លូវជនបទ ដែលដឹកនាំដោយលោក វ៉ា ស៊ីណារ៉ុង អនុប្រធាននាយកដ្ឋាន​ នាយកដ្ឋានផ្លូវលំជនបទ។



March 1, 2018 Sovannaroth TON0

នារសៀលថ្ងៃព្រហស្បត្តិ​ ១៥​ កើត​ ខែផល្គុន​ ឆ្នាំរកា​ នព្វស័ក​ ព.ស.២៥៦១​ ត្រូវនឹងថ្ងៃទី​ ១​ ខែមីនា​ ឆ្នាំ​ ២០១៨​ គម្រោងធនាគារអភិវឌ្ឍន៍អាសុី​ បានប្រជុំបូកសរុបលទ្ធផលការងាររបស់ក្រុមបេសកកម្មរបស់ធនាគារអភិវឌ្ឍន៍អាសុីក្រោមអធិបតីភាពឯកឧត្តម​ ទ្រី​ មេង​ រដ្ឋលេខាធិការ​ និងជាតំណាងដ៏ខ្ពង់ខ្ពស់ឯកឧត្តមបណ្ឌិត​ អ៊ុក​ រ៉ាប៊ុន​ រដ្ឋមន្រ្តីក្រសួងអភិវឌ្ឍន៍ជនបទ​ នៅសាលប្រជុំនាយកដ្ឋានផ្គត់ផ្គង់ទឹកស្អាត។



February 28, 2018 Sovannaroth TON0

រសៀលថ្ងៃពុធ ១៤កើត ខែផល្គុន ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី២៨ ខែកុម្ភៈ ឆ្នាំ២០១៨ នៅភូមិក្បាលជួរ ឃុំសំបុក ស្រុកចិត្របូរីខេត្តក្រចេះ ឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាអធិបតីក្នុងពិធីសម្ពោធដាក់ឲ្យប្រជាពលរដ្ឋប្រើប្រាស់ផ្លូវក្រាលក្រួសក្រហម និងផ្លួវក្រាលកៅស៊ូពីរជាន់ប្រភេទ (DBST) ១ ខ្សែ ប្រវែងសរុបជាង ១៤ គីឡូម៉ែត្រ តភ្ជាប់ពីផ្លូវជាតិលេខ ៧ ចាស់ ត្រង់ចំណុចភូមិក្បាលជួរទៅដល់ភូមិស្រែតាហែនប្រវែងជាង ២ គីឡូម៉ែត្រជាផ្លូវក្រាលកៅស៊ូ និងពីភូមិស្រែតាហែនទៅដល់ភូមិកាកុតឃុំសំបុក ស្រុកចិត្របូរី ដែលស្ថិតនៅក្នុងបរិវេន ដីសម្បទានសង្គមកិច្ច( សំបុក ) ជាផ្លូវក្រាលក្រួសក្រហមប្រវែង ១២ គីឡូម៉ែត្រ ។ នៅលើកំណត់ផ្លូវនេះ មានស្ពានបេតុង ១ កន្លែង ប្រវែង ១០ ម៉ែត្រ លូដោះទឹក ២០ កន្លែង ជាសមិទ្ធផលរបស់ក្រសួងអភិវឌ្ឍន៍ជនបទ ក្នុងក្របខណ្ឌគម្រោងអភិវឌ្ឍន៍ហេដ្ឋារចនាសម្ព័ន្ធសេដ្ឋកិច្ចដើម្បីធានា ចីរភាពក្នុងការអនុវត្តកំណែទម្រង់ដីធ្លី ហៅកាត់ថា ( IPLR ) ដោយប្រើប្រាស់សហហិរញ្ញប្បទានឥតសំណងរបស់ រដ្ឋាភិបាលនៃសាធារណរដ្ឋសហព័ន្ធអាល្លឺម៉ង់ តាមរយៈធនាគារអភិវឌ្ឍន៍អាល្លឺម៉ង់ ( Kfw ) និងថវិកាបដិភាគរបស់រាជរដ្ឋាភិបាលកម្ពុជា។



February 27, 2018 Sovannaroth TON0

សិក្ខាសាលាស្តីពីព្រឹត្តិការណ៌រៀនសូត្រប្រចាំឆ្នាំ កម្មវិធីលើកកម្ពស់អនាម័យជនបទនៅក្នុងប្រទេសកម្ពុជា ជំហ៊ានទី២ ក្រោមអធិបតីភាពឯកឧត្តម ទ្រី មេង រដ្ឋលេខាធិការ នៅថ្ងៃទី ២៧ ខែកុម្ភៈ – ១ មិនា ឆ្នាំ២០១៨ នៅសិនធឺ ដាយកូនៀ ភ្នំពេញ។



February 26, 2018 Sovannaroth TON0

នៅព្រឹកថ្ងៃទី ២៦ ខែ កុម្ភៈ ២០១៨ នាយកដ្ឋានផែនការ និង ទំនាក់ទំនងសាធារណៈ បានរៀបចំកិច្ចប្រជុំណែនាំពីការសរសេរ Program Concept Paper (PCP) របស់ គម្រោង KOICA ក្រោមអធិបតីភាព ឯកឧត្តម យឺន សូផល អនុរដ្ឋលេខាធិការក្រសួងអភិវឌ្ឍន៍ជនបទ។



February 25, 2018 Sovannaroth TON0

សកម្មភាពក្រុមការងារគម្រោងធនាគារអភិវឌ្ឍន៍អាស៊ី​ និងនាយកដ្ឋានផ្គត់ផ្គង់ទឹកជនបទ​ នៃក្រសួងអភិវឌ្ឍន៍ជនបទ​ ចុះទស្សនកិច្ចនៅខេត្តកំពង់ស្ពឺ​ កំពត​ និងកំពង់ឆ្នាំង​ អំពីការងារអនាម័យ​ និងទឹកស្អាតក្នុងសហគមន៍ជនបទ។



February 22, 2018 Sovannaroth TON0

ដើម្បីពន្លឿនសេវាកម្មវិស័យទឹកស្អាត និងអនាម័យនៃគម្រោងផ្គត់ផ្គង់ទឹកស្អាត និងអនាម័យជនបទ ជំហានទី ៣ ដែលគាំទ្រដោយធនាគារអភិវឌ្ឍន៍អាស៊ី (ADB) នាព្រឹកថ្ងៃព្រហស្បតិ៍ ៨កើត ខែផល្គុន ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី ២២ ខែកុម្ភៈ ឆ្នាំ ២០១៨ នៅសណ្ឋាគារកាំបូឌីយ៉ាណា ឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាអធិបតីបើកសិក្ខាសាលាស្ដីពី ” ការប៉ាន់ប្រមាណ វិស័យផ្គត់ផ្គង់ទឹកស្អាត និងអនាម័យជនបទ (សមាសភាគទី ១ )។​


Scroll Up