នាព្រឹកថ្ងៃទី ០៤ ខែកញ្ញា ឆ្នាំ២០១៧ ឯកឧត្តម អ៊ិន ចន្ថា រដ្ឋលេខាធិការ តំណាងឯកឧត្តមបណ្ឌិត អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញជួបសំណេះសំណាលជាមួយប្រតិភូសមាគមន៍នាវាយុវជនអាសុីអាគ្នេយ៍កម្ពុជា នៃកម្មវិធីនាវាយុវជនអាស៊ីអាគ្នេយ៍ និងជប៉ុនលើកទី ៤៤ នៅទីស្តីការក្រសួង។

នៅព្រឹកថ្ងៃទី០១ ខែកញ្ញា ឆ្នាំ២០១៧ គម្រោងសាច់ប្រាក់ពលកម្ម​ បានបើកការដ្ឋានសាងសង់ផ្លូវ​លំដីស​ ក្រោមអធិបតីភាព​ឯកឧត្តម យឺន សូផល អនុរដ្ធលេខាធិការក្រសួងអភិវឌ្ឍន៍ជនបទ​ និងជានាយកគម្រោង​ លោក ស៊ុន ពិសិដ្ធ ប្រធានគ្រប់គ្រងគម្រោង​ ដោយរួមដំណើរដោយ ឯកឧត្តម ហែម វណ្ឌី អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកសម្របសម្រួល នៅក្នុងភូមិ ក្រឡាញ់ ឃុំក្បាលត្រាច ស្រុកក្រគរ ខេត្តពោធិ៍សាត់ ។ បន្ទាប់ពីបាន បញ្ចប់ពិធី​ គណ:ប្រតិភូក្រសួងទាំងពីរបានចុះត្រួតពិនិត្យលើខ្សែផ្លវលើកថ្មីមួយចំនួននៅតាមបណ្តាឃុំដែលកំពុងតែដំណើរការគម្រោងសាច់ប្រាក់ពលកម្មនៅក្នុងខេត្ត ។

ព្រឹកថ្ងៃទី ៣១ ខែ សីហា ឆ្នាំ ២០១៧ ឯកឧត្ដម សួស គង់ រដ្ឋលេខាធិការ តំណាង ឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ និងក្រុមអ្នកប្ច្ចេកទេសដឹកនាំដោយ លោក Du Yunbin ប្រធានក្រុមហ៊ុនទទួលម៉ៅការសាងសង់អណ្ដូងស្នប់ និងជីកស្រះសហគមន៍មកពីសាធារណរដ្ឋប្រជាមានិតចិន រួមទាំងអាជ្ញាធរស្រុក បានអញ្ជើញបើកការដ្ឋានសាងសង់អណ្ដូងស្នប់មួយកន្លែងនៅភូមិបាញ់ឆ្គោល ឃុំ ជ្រៃបាក់ស្រុក រលាប្អៀរខេត្តកំពង់ឆ្នាំង ។
សូមរំលឹកថា រដ្ឋាភិបាលនៃសាធារណៈរដ្ឋប្រជាមានិតចិន បានផ្ដល់ជំនួយឥតសំណង នូវទឹកប្រាក់ ១២ ៧០០ ០០០ ដុល្លារអាមេរិក ដល់រដ្ឋាភិបាលកម្ពុជាក្នុងគម្រោងកែលម្អផ្លូវជនបទ និងផ្គត់ផ្គង់ទឹកជនបទ សម្រាប់ជីក អណ្ដូងស្នប់ចំនួន ៨៤៦ អណ្ដូង និងជីកស្រះសហគមន៍ ចំនួន ៧៣ ស្រះ នៅខេត្តកំពង់ឆ្នាំង កំពង់ធំ ស្វាយរៀង កណ្ដាល កំពង់ស្ពឺ និងខេត្តត្បូងឃ្មុំ ។ ដោយឡែកនៅខេត្តកំពង់ឆ្នាំងទទួលបានអណ្ដូង ២៤០ អណ្ដូង និងស្រះ ២៥ ស្រះ។ គម្រោងនេះគ្រប់គ្រងដោយក្រសួងអភិវឌ្ឍន៍ជនបទមាន រយៈពេលមួយឆ្នាំ គឺចាប់ពីថ្ងៃទី ១០ ខែ សីហា ឆ្នាំ ២០១៧ ដល់ ថ្ងៃទី ០៩ ខែ សីហា ឆ្នាំ ២០១៨ ៕

ព្រឹកថ្ងៃទី ៣០ ខែ សីហា ឆ្នាំ ២០១៧ នៅសណ្ឋាគារភ្នំពេញ រាជធានីភ្នំពេញឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាអធិបតីបើក សិក្ខាសាលាស្ដីពី ការផ្សព្វផ្សាយបច្ចេកទេសថ្មីៗ នៃការស្ថាបនា ជួសជុល និងថែទាំផ្លូវជនបទ និងការគ្រប់គ្រងហេដ្ឋារចនាសម្ព័ន្ធជនបទនៃព្រះរាជាណាចក្រកម្ពុជា ៕

នៅរសៀលថ្ងៃទី ២៨ ខែ សីហា ឆ្នាំ២០១៧ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានអនុញ្ញាតឲ្យ លោក Qia Zhimin អគ្គនាយកក្រុមហ៊ុន Beijing Dadi Mining Exploration and Development Co. Ltd CNNC និងសាជីវកម្ម Nuclear Shaft and Roadway Engineering Group បានចូលជួបសំដែងការគួរសម និងពិភាក្សាការងារនៅទីស្តីការក្រសួងអភិវឌ្ឍន៍ជនបទ ។

នៅក្នុងជំនួបពិភាក្សានេះ ឯកឧត្តមបណ្ឌិតរដ្ឋមន្ត្រី បានសំដែងនូវការអរគុណចំពោះ ប្រជាជន និង រដ្ឋាភិបាលនៃសាធារណរដ្ឋប្រជាមានិតចិន ដែលផ្តល់ជំនួយឥតសំណងដល់កម្ពុជាសម្រាប់ការជីកអណ្តូងទឹកស្អាត ចំនួន ៨៤៦ អណ្តូង ស្រះទឹកចំនួន ៤៥ ស្រះ និងស្តារ និងរៀបជើងតេស្រះទឹកចំនួន ២៨ ស្រះនៅក្នុងខេត្តចំនួន ៦ គឺខេត្តកំពង់ឆ្នាំង កំពង់ធំ ស្វាយរៀង កណ្តាល កំពង់ស្ពឺ និងត្បូងឃ្មុំ ។

រសៀលថ្ងៃទី ២៥ ខែ សីហា ឆ្នាំ ២០១៧ នៅទីស្ដីការក្រសួង ឯកឧត្ដម អ៊ុក ពញ្ញា នាយកខុទ្ទកាល័យ ក្រសួងអភិវឌ្ឍន៍ជនបទ និងជាប្រធានក្រុមការងារសហភាពសហព័ន្ធយុវជនកម្ពុជាក្នុងវិស័យអភិវឌ្ឍន៍ជនបទ បាន ដឹកនាំសមាជិក និងមន្រ្ដីរាជការចំនួន ១៣ នាក់ បរិច្ចាគឈាមជូនដល់មជ្ឈមណ្ឌលជាតិផ្ដល់ឈាម ៕

នៅព្រឹកថ្ងៃទី ២៥ ខែសីហានេះ ឯកឧត្តម សួស គង់ រដ្ឋលេខាធិការ តំណាង ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបការងារអនុវត្តគម្រោងកែលម្អផ្លូវជនបទជមហ៊ានពីរ នៅទីស្តីការក្រសួងអភិវឌ្ឍន៍ជនបទ ។

ព្រឹកថ្ងៃទី ២១ ខែ សីហា ឆ្នាំ ២០១៧ នៅទី ស្ដីការក្រសួង ឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំដើម្បីត្រួតពិនិត្យ និងវាយតម្លៃវឌ្ឍនភាព នៃការអនុវត្តគម្រោងកែលម្អផ្លូវជនបទជំហានទី ២ របស់ធនាគារអភិវឌ្ឍន៍អាស៊ី ៕
បញ្ចាក់ ៖ គម្រោងនេះមានរយៈពេល ៦ ឆ្នាំ ២០១៥-២០២០ មានទឹកប្រាក់ ១៩២,៧១ លានដូល្លារអាមេរិក សម្រាប់ស្ថាបនាផ្លូវក្រាលកៅស៊ូ ផ្លូវបេតុងប្រវែងសរុប ១២០០ គីឡូម៉ែត្រ និងសំណង់សិល្បៈកាមួយចំនួនដែលកំពុងដំណើរការនៅក្នុងខេត្តគោលដៅចំនួន ១០ គឺ ខេត្តត្បូងឃ្មុំ កំពង់ចាម តាកែវ កំពង់ស្ពឺ កំពង់ឆ្នាំង ពោធិសាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ៕

សកម្មភាពរបស់ក្រុមការងារត្រួតពិនិត្យ និង វាយតម្លៃ នៃនាយកដ្ឋានផ្លូវលំជនបទ បានចុះត្រួតពិនិត្យគុណភាពនៃការស្ថាបនាផ្លូវក្រាលកៅស៊ូពីរជាន់ ប្រវែង ៥.៣៣០ ម និងសំណង់សិល្បការ្យ ស្ថិតនៅឃុំពពេល និង ឃុំសំរោង ស្រុកសូទ្រនិគម ខេត្តសៀមរាប។