January 30, 2019 adminBunth0

នៅ​រសៀល​ថ្ងៃ​ពុធ ១០ រោច ខែបុស្ស  ឆ្នាំច សំរឹទ្ធិស័ក ព.ស.២៥៦២ ត្រូវ​នឹង​ថ្ងៃទី ៣០ ខែ មករា ឆ្នាំ២០១៩ នៅ​សណ្ឋាគារសុខា រាជធានីភ្នំពេញ ក្រសួង​អភិវឌ្ឍន៍ជនបទ បានរៀបចំពិធីបិទ​សន្និបាត​បូកសរុប​ការងារ​ប្រចាំឆ្នាំ២០១៨ និង​ទិសដៅ​ការងារ​ឆ្នាំ ២០១៩ ក្រោម​អធិបតីភាព​ ឯកឧត្តម យឹម ឆៃលី ឧបនាយករដ្ឋមន្ត្រីនិង​ជា​ប្រធាន​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ តំណាង​ដ៏​ខ្ពង់ខ្ពស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា។ អញ្ជើញ​ចូលរួម​ក្នុង​សន្និបាត​នេះ​មាន ឯកឧត្តម លោកជំទាវ លោក លោកស្រី នាង​កញ្ញា ជា​ថ្នាក់ដឹកនាំ និង​មន្ត្រីរាជការ​ក្រសួង​អភិវឌ្ឍន៍ជនបទ តំណាង​ក្រសួង ស្ថាប័ន តំណាង​ដៃគូ​អភិវឌ្ឍន៍ អង្គការ​មិនមែន​រដ្ឋាភិបាល តំណាង​អាជ្ញាធរ​ដែនដី​រាជធានី-ខេត្ត សរុប​ជាង ៩០០ នាក់ ។

នៅក្នុង​ពិធី​បិទ​សន្និបាត​នេះ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួង​អភិវឌ្ឍន៍ជនបទ បានធ្វើ​របាយ​ការ​បូកសរុប​លទ្ធផល​សន្និបាត ដោយបាន​លើកឡើងថា អង្គសន្និបាត បាន​សម្តែង​នូវ​ការអបអរសាទរ និង​វាយតម្លៃ​ខ្ពស់ ចំពោះ​មគ្គុទេសក៍​ភាព​ដឹកនាំ​រដ្ឋប្រកបដោយ​គតិបណ្ឌិត​របស់ សម្តេច​អគ្គមហាសេនាបតី​តេ​ជោ នាយករដ្ឋមន្ត្រី ដែល​ធ្វើ​ឲ្យ​ព្រះរាជាណាចក្រ​កម្ពុជា​យើង​ទទួលបាន​នូវ​សន្តិភាព ឯកភាព​ជាតិ ស្ថិរភាព​នយោបាយ សណ្តាប់ធ្នាប់​សង្គម និង​ស្ថិរភាព​ម៉ាក្រូសេដ្ឋកិច្ច ព្រមទាំង​រក្សាបាន​ទាំងស្រុង​នូវ​អធិបតេយ្យភាព និង​បូរណភាព​ទឹកដី។ ស្ថិតក្នុង​បរិយាកាស​សុខដុម​នៃ​សង្គមជាតិ ក្រសួង​អភិវឌ្ឍន៍ជនបទ បាន​អនុវត្ត​ភារកិច្ច​របស់ខ្លួន ប្រកបដោយ​ជោគជ័យ  និង​ទទួលបាន​អបអរសាទរ និង​វាយតម្លៃ​ខ្ពស់​ពី​អង្គសន្និបាត​មាន​ជាអាទិ៍៖ អភិបាលកិច្ច​ល្អ ការអនុវត្ត​ច្បាប់​ហិរញ្ញវត្ថុ​សម្រាប់​គ្រប់គ្រង​ថវិកា​ប្រចាំឆ្នាំ ការប្រើប្រាស់​ជំនួយ​ហិរញ្ញប្បទាន​សហប្រតិបត្តិកា​រលើ​វិស័យ​អភិវឌ្ឍ​ជនបទ ការកសាង និង​អភិវឌ្ឍ​ហេដ្ឋារចនាសម្ព័ន្ធ​ផ្លូវ​ជនបទ និង​ការអនុវត្ត​គម្រោង​អភិវឌ្ឍន៍នានានៅនៅទូទាំង​ព្រះរាជាណាចក្រ​កម្ពុជា។

នៅក្នុង​សុន្ទរកថា​បិទ​សន្និបាត ឯកឧត្តម​ឧបនាយករដ្ឋមន្ត្រី  ក្នុងនាម​រាជរដ្ឋាភិបាល​កម្ពុជា  បាន​សម្តែង​នូវ​សេចក្តី​រីករាយ និង​ថ្លែង​នូវ​ការកោតសរសើរចំពោះ​ថ្នាក់ដឹកនាំ និង​មន្ត្រីរាជការ​ទាំង​អស់នៃ​ក្រសួង​អភិវឌ្ឍន៍ជនបទ ស្ថាប័ន​ពាក់ព័ន្ធ​នានា អាជ្ញាធរ​ដែនដី​គ្រប់លំដាប់​ថ្នាក់ ដៃគូ​អភិវឌ្ឍន៍ និង​ប្រជាពលរដ្ឋ​គ្រប់​មូលដ្ឋាន ដែល​បានធ្វើ​សហប្រតិបត្តិការ​គ្នា​យ៉ាង​ល្អប្រសើរ ខិតខំ​ប្រឹងប្រែង​អស់ពី​កម្លាំងកាយ​ចិត្ត សម្រេចបាន​នូវ​ស្នាដៃធំៗជាច្រើន​ក្នុង​ឆ្នាំ ២០១៨  និង​បាន​សម្តែង​គាំទ្រ​ដល់​ការកំណត់​ទិសដៅ​ការងារ​សម្រាប់​ឆ្នាំ ២០១៩ ។ ឯកឧត្តម​ឧបនាយករដ្ឋមន្ត្រី បាន​លើកឡើងថា ក្នុងពេល​កន្លងមកនេះ កម្ពុជា​បានសម្រេច​សមិទ្ធផលថ្មីៗជាច្រើន លើ​គ្រប់​វិស័យ​ក្នុង​ដំណើរ​អភិវឌ្ឍន៍​របស់ខ្លួន តាមរយៈ​ការអនុវត្ត​ដោយ​ជោគជ័យ​នូវ​កម្មវិធី​នយោបាយ និង​យុទ្ធសាស្ត្រ​ចតុកោណ ដែលជា​ពិសេស ធានាបាន​នូវ​សុខសន្តិភាព ស្ថិរភាព សន្តិសុខ សណ្តាប់ធ្នាប់​សង្គម ប្រជាធិបតេយ្យ ការអភិវឌ្ឍ និង​អធិបតេយ្យ​ជាតិ ដែលជា​កុសល​នៃ​គោលនយោបាយ “ឈ្នះ ឈ្នះ” របស់ សម្តេច​អគ្គមហាសេនាបតី​តេ​ជោ ហ៊ុន សែន ។  ជាមួយគ្នានេះ ឯកឧត្តម បាន​បញ្ជាក់ថា សេដ្ឋកិច្ចកម្ពុជា​នៅតែ​បន្ត​សម្រេចបាន​កំណើន​ខ្ពស់ ហើយ​ផលិតផល​ក្នុងស្រុក​សរុប​ជា​មធ្យម​សម្រាប់​ប្រជាជនម្នាក់ៗបាន​កើន​ជាបន្តបន្ទាប់ ហើយអត្រា​នៃ​ភាពក្រីក្រក៏​ត្រូវបាន​កាត់បន្ថយ​ជាបន្តបន្ទាប់ផងដែរ។

ឯកឧត្តម​ឧបនាយករដ្ឋមន្ត្រី ក៍បាន​បន្តថា បច្ចុប្បន្ន​រាជរដ្ឋាភិបាល​ក្នុង​នីតិកាល​ទី ៦ នៃ​រដ្ឋសភា ដែល​ដឹកនាំ​ដោយ សម្តេច​អគ្គមហាសេនាបតី​តេ​ជោ ហ៊ុន សែន កំពុង​ចាប់ផ្តើម​អនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី៤ ដើម្បី​បន្ត​អភិវឌ្ឍ​ប្រទេស​ឲ្យ​កាន់តែ​រីកចម្រើន​ខ្លាំងក្លា​ឡើង និង​ធានា​ដល់​ការលើកកម្ពស់​ជីវភាព​របស់​ប្រជាជន​ទូទៅ តាមរយៈ​ការអនុវត្ត​គោលនយោបាយ និង​វិធានការ​ជាក់ស្តែង​នានា​ឲ្យ​មាន​ប្រសិទ្ធភាព​ខ្ពស់ សំដៅ​បង្កើន​ចំណូល​របស់​ប្រជាជន លើកស្ទួយ​ខាង​សង្គមកិច្ច ពង្រឹង​យុត្តិធម៌ សមធម៌​សង្គម ព្រមទាំង​ផ្តល់នូវ​សេវាសាធារណៈ​ឲ្យ​បាន​កាន់តែ​ល្អប្រសើរ ។ ឯកឧត្តម បានបញ្ជាក់​បន្ថែមថា ការអភិវឌ្ឍ​ហេដ្ឋារចនាសម្ព័ន្ធ​ជនបទ ការផ្គត់ផ្គង់​ទឹកស្អាត និង​អនាម័យ​ជនបទ កំណែទម្រង់រដ្ឋបាល និង​ការលើកកម្ពស់​សមត្ថភាព ការអភិវឌ្ឍ​សហគមន៍ និង​សេដ្ឋកិច្ច​ជនបទ គឺ​សុទ្ធតែ​បានរួម​ចំណែក​យ៉ាង​ធំធេង ក្នុង​ការជួយ​រាជរដ្ឋាភិបាល ឲ្យ​សម្រេចបាន​នូវ​កម្មវិធី​នយោបាយ  និង​យុទ្ធសាស្ត្រ​ចតុកោណ ជាក់ស្តែង​គឺ​បាន​ជួយ​កែលម្អ​ជីវភាព​រស់នៅ​របស់​ប្រជាពលរដ្ឋ​បាន​កាត់បន្ថយ​ជាបណ្តើរៗ នូវ​ភាពខុសគ្នា​រវាង​ទីក្រុង និង​ជនបទ។ ជាមួយគ្នានេះ ឯកឧត្តម​ឧបនាយករដ្ឋមន្ត្រី បានផ្តល់ជាអនុសាសន៍ដល់ក្រសួងអភិវឌ្ឍន៍ជនបទបន្តសហការណ៍ជាមួយក្រសួង ស្ថាប័ន និងដៃគូរអភិវឌ្ឍន៍ទាំងអស់ ដើម្បីខិតខំអនុវត្ត ១. បន្តធ្វើ​ឲ្យ​ប្រសើរឡើង​នូវ​ប្រព័ន្ធ​ហេដ្ឋារចនាសម្ព័ន្ធ​ជនបទ ២. បន្ត​ផ្តល់​សេវា​ផ្គត់ផ្គង់​ទឹកស្អាត និង​អនាម័យ​ជនបទ​ឲ្យ​ស្របតាម​ផែនការ ៣.បន្ត​អភិវឌ្ឍន៍​សហគមន៍ និង​សេដ្ឋកិច្ច​ជនបទ ៤. បន្ត​កែទម្រង់រដ្ឋបាល និង​លើក​កម្ពស់​មន្ត្រីរាជការ និង ៥.បន្ត​អភិវឌ្ឍ​តំបន់​ជនជាតិដើម​ភាគតិច​ឲ្យមានភាពល្អប្រសើរ

ជាទី​បញ្ចប់ ឯកឧត្តម​ឧបនាយករដ្ឋមន្ត្រី  បាន​ប្រសិទ្ធពរ ជូន​ឯកឧត្តម លោកជំទាវ តំណាង​ស្ថានទូត ភ្ញៀវកិត្តិយស​ជាតិ អន្តរជាតិ អស់លោក លោកស្រី នាង​កញ្ញា​ទាំងអស់ និង​បានប្រកាស​បិទ​សន្និបាត​ជា​ផ្លូវការ ព្រមទាំង​បាន​បំពាក់​មេដាយ​ការងារ​ជូន​មន្ត្រីរាជការ​ក្រសួង​ផងដែរ ៕



January 30, 2019 adminBunth0

នៅ​ព្រឹក​ថ្ងៃ​ពុធ ១០ រោច ខែបុស្ស  ឆ្នាំច សំរឹទ្ធិស័ក ព.ស.២៥៦២ ត្រូវ​នឹង​ថ្ងៃទី ៣០ ខែ មករា ឆ្នាំ ២០១៩ នៅ​សណ្ឋាគារសុខា រាជធានីភ្នំពេញ ក្រសួង​អភិវឌ្ឍន៍ជនបទ បានរៀបចំ​ពិធីបើកសន្និបាត​បូកសរុប​ការងារ​ប្រចាំឆ្នាំ២០១៨ និង​ទិសដៅ​ការងារ​ឆ្នាំ ២០១៩ ក្រោម​អធិបតីភាព​ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រី​ក្រសួងអភិវឌ្ឍន៍ជនបទ តំណាង​ដ៏​ខ្ពង់ខ្ពស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ។ អញ្ជើញ​ចូលរួម​ក្នុង​សន្និបាត​នេះ​មាន ឯកឧត្តម លោកជំទាវ លោក លោកស្រី នាង​កញ្ញា ជា​ថ្នាក់ដឹកនាំ និង​មន្ត្រីរាជការ​ក្រសួង​អភិវឌ្ឍន៍ជនបទ តំណាង​ក្រសួង ស្ថាប័ន តំណាង​ដៃគូ​អភិវឌ្ឍន៍ អង្គការ​មិនមែន​រដ្ឋាភិបាល តំណាង​អាជ្ញាធរ​ដែនដី​រាជធានី-ខេត្ត សរុប​ជាង ៩០០ នាក់ ។

នៅក្នុង​ពិធី​បើក​សិ​ន្និបាត ឯកឧត្តមបណ្ឌិតរដ្ឋមន្ត្រី បាន​សម្តែង​នូវ​ការស្វាគមន៍​យ៉ាង​កក់ក្តៅ​ជូន​ចំពោះ    ​គណៈអធិបតី និង​អង្គសន្និបាត​ទាំងមូល និង​បាន​មានប្រសាសន៍ថា រាជរដ្ឋាភិបាល ក្រោម​ការដឹកនាំ​ដ៏​ត្រឹមត្រូវ និង​ប្រកបដោយ​គតិបណ្ឌិត​រប​ស់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី បាន​អនុវត្ត​យ៉ាងសកម្មនូវ​ “យុទ្ធសាស្រ្ត​ចតុកោណ” ដំណាក់​កាល​ទី ៣ និងផែនការយុទ្ធសាស្រ្តអភិវឌ្ឍន៍ជាតិ ២០១៤-២០១៨ របស់រាជរដ្ឋភិបាលនីតិកាលទី ៥ នៃរដ្ឋសភា ។ ជាលទ្ធផល ការ​​អភិវឌ្ឍ​សេដ្ឋកិច្ច មានសន្ទុះដ៏លឿន មាន​កំណើនខ្ពស់ រក្សាបាន​នូវស្ថិរភាពម៉ាក្រូ​សេដ្ឋកិច្ច​ ក្នុង​បរិការណ៍អតិផរណាទាប ​អត្រាប្តូរ​ប្រាក់​​​មានស្ថិរភាព និងកាត់​បន្ថយ​ភាព​ក្រីក្រ​​របស់​ប្រជាជនបាន​ឆាប់រហ័សនៅទូទាំងប្រទេស​។  ជាមួយ​គ្នានេះ ក្រសួង​អភិវឌ្ឍន៍​ជនបទ បាន​​ចូលរួម​ចំណែក​យ៉ាងសំខាន់ នៅក្នុងការលើកកម្ពស់​កម្រិតជីវភាព​រស់​នៅ​របស់ប្រជាជននៅតាមជនបទឲ្យមានភាព​ប្រសើរឡើង​ជាលំដាប់​ ​តាម​រយៈ​ការពង្រឹងស្ថាប័ន ការកសាងសមត្ថភាព និងការ​អភិវឌ្ឍ​ធនធានមនុស្ស ការស្ថាបនា និងជួសជុលហេដ្ឋារចនាសម្ព័ន្ធរូបវ័ន្ត និងសេវាសា​ធារ​ណៈ ការលើកកម្ពស់សុខភាព ការអប់រំ លក្ខ​ខណ្ឌនៃការរស់នៅ ការបង្កើតការងារ មុខរបរ សហគ្រិន​ភាព និងសកម្មភាពសេដ្ឋកិច្ចនៅជនបទ​ជា​ច្រើនទៀត​ប្រកបដោយប្រសិទ្ធភាព ។ ឯកឧត្តមបណ្ឌិតរដ្ឋមន្ត្រី បានបញ្ជាក់ថា ក្រសួង​អភិវឌ្ឍន៍​ជនបទ បាន​ដើរ​តួនាទី​ដ៏​សំខាន់​ក្នុងការ​សម្រេច​បាន​នូវ​សមិទ្ធផល​ធំៗ​ជាច្រើនរួមមានជាអាទិ៍៖ (១). បានយក​ចិត្ត​ទុកដាក់ពង្រីកសកម្មភាពផ្គត់ផ្គង់ទឹក និងអនាម័យជនបទ  (២). ធ្វើឲ្យ​​ប្រសើរ​ឡើងនូវ​បណ្តាញផ្លូវជនបទគ្រប់ប្រភេទ  (៣). ធ្វើប្រតិភូកម្មមុខងារជូនរដ្ឋបាលស្រុកលើការងារ៖ ថែទាំផ្លូវជនបទជាលក្ខណៈប្រចាំ, ការងារជួសជុល និងថែទាំប្រព័ន្ធ​ផ្គត់ផ្គង់ទឹកជនបទ និងការលើកកម្ពស់សេវាអនាម័យជនបទ (៤). បង្កើនសន្តិសុខស្បៀងគ្រួសារ (៥). បានពង្រឹង និង​ពង្រីក​ការផ្តល់ឥណទានខ្នាតតូចដល់ប្រជាពលរដ្ឋជនបទ  (៦). លើក​ស្ទួយ​សមភាពយេនឌ័រនៅថ្នាក់ជាតិ និងថ្នាក់ក្រោមជាតិ (៧). បណ្តុះបណ្តាលដល់មន្ត្រីរាជការនៅថ្នាក់ក្រសួង  និងថ្នាក់មន្ទីរអភិវឌ្ឍន៍ជនបទ​រាជធានី ខេត្ត (៨). គាំទ្រការរៀបចំ និងពង្រឹងសមត្ថភាពគណៈកម្មាធិការអភិវឌ្ឍន៍ ភូមិ (គ.អ.ភ) (៩). ពង្រឹង និងពង្រីកកិច្ចសហប្រតិបត្តិការល្អ ជាមួយស្ថាប័នពាក់​ព័ន្ធ​គ្រប់លំដាប់ថ្នាក់ ជាមួយ​ដៃគូអភិវឌ្ឍន៍ អង្គការក្រៅរដ្ឋាភិបាល ព្រមទាំងវិស័យឯកជន ។

ជាមួយសមិទ្ធផលសំខាន់ៗ ដែលក្រសួងអភិវឌ្ឍន៍ជនបទសម្រេចបានក្នុងឆ្នាំ ២០១៨ ក្រសួងនឹងខិតខំបន្ថែមទៀត ដើម្បីចូលរួមសម្រេចឲ្យបាននូវកម្មវិធី​នយោ​បាយ និង​យុទ្ធ​​សាស្រ្តចតុកោណដំណាក់កាលទី​៤ របស់រាជរដ្ឋាភិបាល នីតិកាលទី ៦ នៃរដ្ឋសភា ដើម្បី​កំណើន​ ការងារ សមធម៌ និង​ប្រសិទ្ធភាព៖ កសាងមូលដ្ឋាន​ឆ្ពោះទៅ​សម្រេច​ចក្ខុវិស័យ​កម្ពុជាឆ្នាំ​ ២០៥០ បន្ទាប់​ពី​កម្ពុជា​បាន​រៀបចំការបោះឆ្នោត​ជ្រើស​​តាំង​តំណាង​រាស្រ្ត ប្រកប​ដោយជោគជ័យ កាលពីខែកក្កដា ឆ្នាំ២០១៨ ស្រប​តាម​រដ្ឋធម្មនុញ្ញនៃព្រះរាជាណាចក្រកម្ពុជា និងលទ្ធិប្រជាធិបតេយ្យ សេរី ពហុបក្ស។ នៅក្នុងន័យនេះ ក្រសួងអភិវឌ្ឍន៍ជនបទកំពុង​សម្រួច​ទិសដៅជា​យុទ្ធ​សាស្រ្ត​អភិវឌ្ឍន៍ជនបទរបស់ខ្លួនសម្រាប់ឆ្នាំ២០១៩ រួមមាន៖ (១) ការពង្រឹងស្ថាប័ន ការកសាងសមត្ថភាព និងការអភិវឌ្ឍធនធានមនុស្ស (២) ការស្ថាបនា កសាង និងជួសជុល លើកកម្រិតហេដ្ឋារចនាសម្ព័ន្ធរូបវ័ន្តគមនាគមន៍ និងសេវាសាធារណៈ (៣) ការលើកកម្ពស់សុខភាព ការអប់រំ និងលក្ខខណ្ឌនៃការរស់នៅ និង(៤) ការបង្កើតការងារ មុខរបរ សហគ្រិនភាព និងសកម្មភាពសេដ្ឋកិច្ច។

ជាទី​បញ្ចប់ ឯកឧត្តមបណ្ឌិត​រដ្ឋមន្ត្រី  បាន​ស្នើសុំ​សមាជិក សមាជិកា​នៃ​អង្គសន្និបាត ឲ្យ​ចូលរួម​ផ្តល់​មតិ​ក្នុង​កម្មវិធី​ពិភាក្សា​ឲ្យ​បាន​ផុលផុស​ទៅតាម​របៀបវារៈ​សន្និបាត ហើយ​ចូលរួម​គាំទ្រ និង​អនុវត្ត​ឲ្យ​បាន​សកម្ម​បន្តទៀត​នូវ​គោលនយោបាយសំខាន់ៗលើ​វិស័យ​អភិវឌ្ឍន៍ជនបទ និង​ទិសដៅ​ការងារសំខាន់ៗដែល​ត្រូវអនុវត្ត​នៅ​ឆ្នាំ ២០១៩ ឲ្យ​ទៅជា​ចលនា​រួម​ដ៏​ខ្លាំងក្លា សំដៅ​សម្រេច​ឲ្យ​បានជា​ផ្លែផ្កា​បន្តទៀត​សម្រាប់​ឧ​ត្ត​ម​ប្រយោជន៍​របស់​ជាតិ  និងបានប្រកាស់បើកសន្និបាតជាផ្លូវការ ៕



January 24, 2018 adminBunth0

ព្រឹកថ្ងៃពុធ ៨កើត ខែមាឃ ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី ២៤ ខែ មករា ឆ្នាំ ២០១៨ នៅសាលសន្និសីទចតុមុខ ឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាអធិបតី បើកសន្និបាត បូកសរុបលទ្ធផលការងារឆ្នាំ ២០១៧ និងលើកទិសដៅការងារឆ្នាំ ២០១៨ របស់ក្រសួងអភិវឌ្ឍន៍ជនបទ

Image may contain: 1 person, suit

Image may contain: 7 people, indoor

Image may contain: 10 people, people smiling, people sitting and indoor

Image may contain: 11 people, people smiling, people standing and indoor

Image may contain: 27 people, people standing and suit

Image may contain: 6 people, people smiling



July 26, 2017 adminBunth0

លទ្ធផលប្រឡងក្របខណ្ឌក្រសួងអភិវឌ្ឍន៍ជនបទ ឆ្នាំ២០១៧ !

សូមបេក្ខជន ដែលប្រឡងជាប់វិញ្ញាសារសរសេរទាំងអស់ អញ្ជើញមកប្រឡងវិញ្ញាសារផ្ទាល់មាត់ នៅថ្ងៃទី ០៣ ខែសីហា ឆ្នាំ២០១៧ ចាប់ពីម៉ោង ៧:០០ ព្រឹកតទៅ នៅទីស្តីការក្រសួងអភិវឌ្ឍន៍ជនបទ ។ ព័ត៌មានបន្ថែម សូមទៅទាក់ទងនាយកដ្ឋានរដ្ឋបាល និងបុគ្គលិក ។

No automatic alt text available.

No automatic alt text available.

No automatic alt text available.

No automatic alt text available.



June 7, 2017 adminBunth0

ព្រឹកថៃ្ងទី ០៧ ខែមិថុនា ឆ្នាំ២០១៧​ មន្ទីរអភិវឌ្ឍន៍ជនបទខេត្តពោធិសាត់​ ដឹកនាំដោយលោកប្រធានមន្ទីរ បានចុះពិនិត្យខ្សែផ្លូវជួសជុលបន្ទាន់ជំហ៊ាន១ ប្រវែង៤២០០ ម៉ែត្រ ដែលស្ថិតក្នុងភូមិ អូរថ្កូវ-រលាប និងព្រៃឱម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់ ដែលអនុវត្តដោយមន្ទីរអភិវឌ្ឍន៍ជនបទខេត្តពោធិ៍សាត់ជាលទ្ធផលសម្រេចបាន ៥០ %។

Image may contain: one or more people, people standing, cloud, sky, tree, outdoor and nature

Image may contain: 2 people, people standing and outdoor

Image may contain: sky, outdoor and nature

Image may contain: tree, sky, grass, outdoor and nature

 



May 24, 2017 adminBunth0

ក្នុងឱកាសដ៏មហានក្ខត្តឫក្ស នៃពិធីបុណ្យចម្រើនជន្មាយុគម្រប់ ៨៣ឆ្នាំ ឈានចូល ៨៤ឆ្នាំ របស់សម្ដេចអគ្គមហាពញាចក្រី ហេង សំរិន ប្រធានរដ្ឋសភា នៃកម្ពុជា នៅថ្ងៃទី២៥ ខែឧសភា ឆ្នាំ២០១៧ នេះ, ​ឯកឧត្ដមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ព្រមទាំងថ្នាក់ដឹកនាំ ​និងមន្ត្រីរាជការក្រោមឱវាទទាំងអស់ សូមគោរពជូនពរ សម្ដេចអគ្គមហាពញាចក្រី មានសុខភាពបរិបូរណ៍ កម្លាំងពលំមាំមួន ឈ្នះអស់មារសត្រូវគ្រប់ទិសទី ដើម្បីសម្ដេចបន្តបេសកកម្មដ៏ថ្លៃថ្លា ដឹកនាំស្ថាប័នរដ្ឋសភា និងប្រទេសជាតិ ឆ្ពោះទៅរកភាពរីកចម្រើនតរៀងទៅ។

សូមបួងសួងដល់វត្ថុស័ក្ដិសិទ្ធិ ទាំងអស់ក្នុងលោក និងជាពិសេស ទេវតាឆ្នាំថ្មី សូមប្រសិទ្ធពរបវរមហាប្រសើរជូន សម្ដេចអគ្គមហាពញាចក្រី ហេង សំរិន និង លោកជំទាវ សៅ ទី ហេង សំរិន ព្រមទាំង បុត្រា បុត្រី និងចៅប្រុស ចៅស្រី សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕



May 12, 2017 adminBunth0

ក្នុងឱកាសដ៏មហានក្ខត្តឫក្សប្រពៃថ្លៃថ្លា នៃព្រះរាជពិធីចម្រើនព្រះជន្មគម្រប់ ៦៤ព្រះវស្សា យាងចូល ៦៥ព្រះវស្សារបស់ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា, ទូលព្រះបង្គំជាខ្ញុំ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ព្រមទាំងថ្នាក់ដឹកនាំ ​និងមន្ត្រីរាជការក្រោមឱវាទទាំងអស់ សូមព្រះបរមរាជានុញ្ញាត សម្ដែងនូវអំណរសាទរឥតឧបមា ចូលរួមថ្វាយព្រះសព្ទសាធុការពរជ័យ បវរសួស្ដី សិរីវឌ្ឍនា វិបុលសុខ មហាប្រសើរថ្វាយជូន ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា សូមទ្រង់មានព្រះកាយពលមាំមួន ព្រះបញ្ញាញាណវាងវៃ ព្រះរាជសុខភាព ល្អបរិបូរណ៍ ព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រ ទូទាំងប្រទេស ជានិច្ចនិរន្តន៍តរៀងទៅ។

ឆ្លៀតឱកាសដ៏វិសេសថ្លៃថ្លានេះ ទូលព្រះបង្គំយើងខ្ញុំទាំងអស់សូមបួងសួងដល់គុណព្រះរតនត្រ័យ វត្ថុស័ក្ដិសិទ្ធិ ទាំងអស់ក្នុងលោក និងទេវតារក្សាព្រះរាជាណាចក្រកម្ពុជា ជាពិសេសទេវតាឆ្នាំថ្មី ឆ្នាំរកា នព្វស័ក ព.ស ២៥៦១ ព្រះនាម កិមិរាទេវី សូមព្រះអង្គតាមជួយបីបាច់ថែរក្សា ព្រះករុណាជាអម្ចាស់ជីវិតលើត្បូង ព្រះអង្គទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជាភិយ្យោភាពតរៀងទៅ



May 12, 2017 adminBunth0

នៅរសៀលថ្ងៃទី១២ ខែឧសភា ឆ្នាំ២០១៧ ឯកឧត្តម អ៊ុក ពញ្ញា នាយកខុទ្ទកាល័យ និងជាអនុប្រធាន គណៈកម្មការដឹកនាំ និងគ្រប់គ្រងគម្រោងអភិវឌ្ឍន៍ជនបទ ដោយប្រើប្រាស់វិធីសាស្ត្រ ចលនាភូមិថ្មី បានអញ្ជើញជាអធិបតីភាពក្នុងពិធីបិទវគ្គបណ្តុះបណ្តាលស្តីពី “ចលនាភូមិថ្មី និងអភិវឌ្ឍន៍ជនបទ”​ នៅ មជ្ឈមណ្ឌលអភិវឌ្ឍន៍ជនបទកម្ពុជា-កូរ៉េ​ ក្នុងខេត្តកំពង់ស្ពឺ។ វគ្គបណ្តុះបណ្តាល​នេះគឺជាវគ្គ​ ទី​ ១​ ដែលបានចាប់ផ្តើមពីថ្ងៃទី០៨ – ១២ ខែឧសភា ឆ្នាំ២០១៧ ដល់មន្ត្រីអភិវឌ្ឍន៍ជនបទ មកពីក្រសួង និងខេត្តទាំងបីក្នុងគម្រោងចលនាភូមិថ្មី គឺខេត្តកំពង់ស្ពឺ ខេត្តតាកែវ និងខេត្តត្បូងឃ្មុំ ដែលមានសិក្ខាកាមសរុបចំនួន​ ២១​ រូប ។

Image may contain: 3 people, people standing

Image may contain: 1 person

Image may contain: 2 people, suit

Image may contain: 1 person, standing

Image may contain: 5 people, people standing and shoes

Image may contain: 4 people, people standing

Image may contain: 8 people, people standing, sky, outdoor and nature

Image may contain: 2 people, people standing, sky and outdoor


Scroll Up